| გარემო: მიწისძვრამ თურქეთში შესაძლოა ვულკანი ნემრუტი გააღვიძოს |  | მსოფლიოს ამბები | |
 თურქეთში, ვანის პროვინციაში ძლიერი მიწისძვრის შემდეგ შეიძლება გაიღვიძოს ვულკან ნემრუტმა, რომელიც ვანის ტბასთან მდებარეობს. ამის შესახებ თურქეთი უნგრეთის საგანგებო სიტუაციების სამმართველომ (RSOE EDIS) გააფრთხილა. აღნიშნულია, რომ თურქეთში არ არის მონაცემები ვანის, მუშისა და ბიტლისის პროვინციებს შორის განლაგებულ მთა ნემრუტის ვულკანური აქტივობის გამოკვლევების შესახებ.მთა ზღვის დონიდან 3500 მეტრის სიმაღლეზე დგას. მწვერვალზე ქვაბში ბოლო ვულკანური ამოფრქვევის შემდეგ 2 ლამაზი ტბა წარმოიშვა. ვულკანის ამოფრქვევის შემთხვევაში გარშემო მდებარე დასახლებულ პუნქტებს დიდი ზიანი მიეყენებათ, ვინაიდან თუ კლდოვანი ქანი გაიბზარება, ტბის წყლებს დიდი განადგურების გამოწვევა შეუძლია. შეგახსენებთ, რომ 23 ოქტომბერს, ადგილობრივი დროით 13:41 საათზე, თურქეთში ვანის პროვინციაში 7.2 მაგნიტუდის მიწისძვრა მოხდა. ეპიცენტრი ერთსახელიან ქალაქ ვანიდან ჩრდილო-აღმოსავლეთით 38-ე კილომეტრში, ტაბანლას სოფელთან მდებარეობდა. ძლიერი მიწისძვრის შემდეგ ბიძგები ჯერ კიდევ გრძელდება. ბოლო 48 საათის განმავლობაში ვანის პროვინციაში 400-ზე მეტი ბიძგი დაფიქსირდა. მიწისძვრის შედეგად დაღუპულთა რიცხვმა 366-ს, ხოლო დაჭრილთა რიცხვმა - 1301-ს მიაღწია. გასულ ღამეს გადაარჩინეს 9 წლის გოგონა, რომელმაც ნანგრევებში 34 საათი გაატარა, ასევე 18 წლის მამაკაცი, რომელიც შიშსა და სიბნელეში 32 საათი იმყოფებოდა. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_3757.html
| |||
| განათავსა - Drakula | 27 ოქტ. 2011, 18:49 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.13 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.