| ეკონომიკა: 2011 წელს Volkswagen შესაძლოა უმსხვილესი მსოფლიო ავტომწარმოებელი გახდეს |  | ბიზნესი და ეკონომიკა | |
 გერმანული საავტომობილო კონცერნი Volkswagen AG (VW)მიმდინარე წელს შესაძლოა უმსხვილესი მსოფლიო ავტომწარმოებელი გახდეს, გაუსწრებს რა Toyota Motor Corp.-სა და General Motors Co. (GM)-ს განვითარებად ბაზრებზე ძლიერი მაჩვენებლების წყალობით. ეს გამომდინარეობს სააგენტო Bloomberg-ის მიერ ჩატარებული გამოკვლევიდან.კერძოდ, არსებული მონაცემებით, გაყიდვების მოცულობა Volkswagen-ისა, რომელიც 2010 წელს მსოფლიო ავტომწარმოებლებს შორის მესამე ადგილზე იმყოფებოდა, მიმდინარე წელს შეიძლება 13%-ით გაიზარდოს და 8.1 მილიონ ერთეულს მიაღწიოს. ამავდროულად, General Motors-მა შესაძლოა შეინარჩუნოს მეორე ადგილი დარგში გაყიდვების მოცულობის მიხედვით, ხოლო Toyota, რომელიც სამი წლის განმავლობაში ზედიზედ ლიდერობდა, 2011 წელს შესაძლოა მესამე სტრიქონზე გადაინაცვლოს. ექსპერტები Volkswagen-ის გაყიდვების მოცულობის ზრდის ერთ-ერთ მთავარ ფაქტორად განვითარებადი ქვეყნების ტერიტორიაზე წარმატებულ საქმიანობას ასახელებენ. J.D. Power & Associates-ის ექსპერტთა გაანგარიშებებით, ჩინეთში კომპანიის გაყიდვები მიმდინარე წელს შეიძლება თითქმის 20%-ით გაიზარდოს და 2.3 მლნ ერთეულს მიაღწიოს, ასევე გაორმაგდეს ინდოეთში - 116 ათას ავტომანქანამდე. ამდაგვარად, ინდოეთსა და ჩინეთზე კომპანიის გაყიდვების საერთო მოცულობის დაახლოებით მესამედი მოდის. ამავე დროს, Toyotaწარმოებას აჩერებს სამხრეთ-აღმოსავლეთ აზიაში მდებარე ქარხნებში ტაილანდში წყალდიდობების გამო, ხოლო რამდენიმე თვის წინ კომპანიის წარმოება იაპონიაში მომხდარი მიწისძვრის გამო დაზარალდა. წელს Volkswagen-ის აქციებმა, ევროპის რეგიონში სავალო კრიზისთან დაკავშირებული მღელვარების ზეწოლის ქვეშ, ფასის თვალსაზრით მხოლოდ 3.3% დაკარგა, მაშინ, როცა GM-ის ფასიანი ქაღალდები 34%-ით, ხოლო Toyota-ს - 20%-ით გაიაფდა. ამავდროულად, ექსპერტები არ გამორიცხავენ, რომ Toyotaშეიძლება დაუბრუნდეს ლიდერის პოზიციებს საავტომობილო დარგში გაისად იაპონიაში მარტის მიწისძვრის შემდეგ მწარმოებლური სიმძლავრეების სრულ აღდგენასთან ერთად, რაც კომპანიას საშუალებას მისცემს, გაყიდოს 8.4 მილიონი ავტომობილი და Volkswagen-ს 500 ათასი ერთეულით გაუსწროს. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_3725.html
| |||
| განათავსა - Drakula | 24 ოქტ. 2011, 21:12 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.13 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.