| საზოგადოება: ხიდაშელს 5-ლარიანი ვაუჩერები ფულის ჰაერში გადაყრად მიაჩნია |  | საქართველოს ამბები | |
 თბილისის საკრებულოს დეპუტატს რესპუბლიკური პარტიიდან თინა ხიდაშელს მიაჩნია, რომ 5-ლარიანი სატრანსპორტი ვაუჩერები ჰაერში გადაყრილი ფულია. როგორც მან ჟურნალისტებს განუცხადა, საუბარია სავარაუდოდ 5 მლნ ლარზე ქალაქის ბიუჯეტიდან, რამდენადაც ირწმუნებიან, რომ სამგზავრო ბარათები 1 მლნ მოქალაქეს აქვს.„ვერავინ ამბობს, საიდან მოვიდა ეს ციფრები. ამიტომ ძალიან მნიშვნელოვანია, როგორ შედეგს გაიღებს ეს პროექტი. ასევე ძალიან საინტერესოა იმის ცოდნა, ეს ერთჯერადი აქცია თუ გარკვეული გეგმის მხოლოდ პირველი ნაბიჯი, რომლის მიხედვითაც მერი მოქალაქეებისათვის 5, 10, 20 ლარის დარიგებას დაიწყებს, რათა არჩევნებისთვის მათი სიმპატიები მოიპოვოს“, - თქვა ხიდაშელმა. მისი თქმით, ჯერჯერობით არასერიოზულია იმის მტკიცება, რომ ეს ყველაფერი უგულავას წინასაარჩევნო კამპანიის ნაწილია, თუმცა აუცილებლად გახდება სერიოზული თემა, თუ ამ ვაუჩერს სხვა ნაბიჯები მოჰყვება. „თუ ეს ერთჯერადი აქტია, მაგრამ ეს ჰაერში გადაყრილი ფულია. უფრო მეტიც, ამ „ქველმოქმედებას“ ზიანის მოტანა შეუძლია, ვინაიდან ბაზარზე უკონტროლო 5 მილიონი ლარი იქნება გამოშვებული. 5 ლარი ვერავის მდგომარეობას გააუმჯობესებს“, - განაცხადა თინა ხიდაშელმა. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_3678.html
| |||
| განათავსა - Drakula | 19 ოქტ. 2011, 17:44 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.83 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.