| საზოგადოება: თბილისში შუქნიშნებს ცვლიან |  | საქართველოს ამბები | |
 თბილისში შუქნიშნების შეცვლის სამწლიანი პროგრამა დაიწყო. როგორც მერიის სატრანსპორტო სამსახურის საგზაო მოძრაობის განყოფილების უფროსმა დემურ კვირიკაშვილმა განაცხადა, წელს ვაკეში 19 შუქნიშანი შეიცვლება.მისი თქმით, ახალი შუქნიშნები ავტომატური მართვის სისტემაზე მუშაობს. პროგრამა, მოძრაობის ინტენსიურობიდან გამომდინარე, თავად გადაწყვეტს, როდის ჩართოს მწვანე შუქი. როდესაც გზაჯვარედინზე რომელიმე მიმართულებით ავტომანქანების დიდი ნაკადი წარმოიქმნება, შუქნიშანი პრიორიტეტს ამ მიმართულებას მისცემს. ამასთან, ბუდაპეშტისა და ნუცუბიძის გზების გადაკვეთაზე და „ვარკეთილის“ მეტროსთან ქვეითად მოსიარულეებისათვის მიმდინარეობს „კუნძულების“ მოწყობა. ბოლო დროს ქალაქის რამდენიმე ნაწილში, მათ შორის გმირთა მოედანზე, გართულებულია ტრანსპორტის მოძრაობა, მაგრამ ეს დროებითი მოვლენაა და უახლოეს მომავალში კიდევ ერთი ესტაკადა ამოქმედდება. იგი პრობლემას გადაჭრის. რაც შეეხება პარკირებას, თბილისის მერიამ ინიციატივა გამოავლინა და ნებისმიერ კომპანიას, რომელიც ქალაქში მრავალსართულიან სადგომს ააშენებს, ტერიტორიას უფასოდ გამოუყოფს. ამჟამად დედაქალაქში პარკირების 30 000 ობიექტია და კიდევ 20 000 აშენდება. ასევე ნებადართული იქნება ავტოტრანსპორტის პარკირება ტროტუარებზე, თუ მათი სიგანე 6-7 მეტრს შეადგენს. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_3657.html
| |||
| განათავსა - Drakula | 15 ოქტ. 2011, 22:09 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.09 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.