| კულტურა: ოშკი ძეგლთა მსოფლიო ფონდის სიაში მოხვდა |  | საქართველოს ამბები | |
 შუა საუკუნეების ერთ-ერთი გამოჩენილი ქართული ძეგლი - ოშკის ტაძარი, რომელიც თურქეთის ტერიტორიაზე ისტორიულ ტაო-კლარჯეთში მდებარეობს, ძეგლთა მსოფლიო ფონდის (World Monument Fund) 2012 წლის სიაში მოხვდა. ამის შესახებ კავკას-პრესს ჩუბინიშვილის სახელობის ძეგლთა დაცვისა და ქართული ხელოვნების ისტორიის ეროვნულ ცენტრში შეატყობინეს.ცენტრში აღნიშნეს, რომ ქართული ძეგლის მდგომარეობის თაობაზე შეშფოთებას უკვე კულტურის ძეგლთა დაცვის გავლენიანი საერთაშორისო ორგანიზაციები გამოთქვამენ. კულტურის ძეგლთა მსოფლიო ფონდის ოფისი ნიუ-იორკში მდებარეობს. 1996 წლიდან ორ წელიწადში ერთხელ ფონდი კულტურის იმ ძეგლების სიას აქვეყნებს, რომლებიც განადგურების ზღვარზეა და მათ გადასარჩენად საერთაშორისო ორგანიზაციებს, მთავრობებს, დონორებსა და მასმედიას მიმართავს. სტატისტიკით, ამ ძეგლების 80 პროცენტზე მსოფლიო ფონდის ჩარევის შემდეგ დაწყებულია სარესტავრაციო ან საკონსერვაციო სამუშაოები. წელს არჩეულია 67 ძეგლი 40 ქვეყანაში. მათ შორისაა ოშკის ტაძარი, რომლის თაობაზეც მსოფლიო ფონდმა სპეციალური საიტი შექმნა - www.wmf.org/project/oshki. მომზადებულია სპეციალური პლაკატებიც. ამასთან დაკავშირებით, 12 ოქტომბერს, 16 საათზე, ჩუბინიშვილის სახელობის ძეგლთა დაცვისა და ქართული ხელოვნების ისტორიის ეროვნულ ცენტრში (თაბუკაშვილის ქ. #5) პრეს-კონფერენცია გაიმართება. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_3622.html
| |||
| განათავსა - Drakula | 11 ოქტ. 2011, 19:12 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.05 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.