| მეცნიერება-ტექნოლოგიები: მეცნიერებმა პირველად შეძლეს განუკურნავი დაავადების დაძლევა |  | მსოფლიოს ამბები | |
 დიაბეტის მკურნალობის გასაღები ადამიანის ტვინშია. მკვლევარები სთავაზობენ ცხვირიდან აღებული ნერვული ღეროვანი უჯრედების გარდაქმნას კუჭქვეშას უჯრედებად. მათ ინსულინის გამომუშავება და დიაბეტის მკურნალობა შეუძლია, წერს New Scientist.ცნობილია, რომ ბეტა-უჯრედები გლუკოზის დონის მარეგულირებელ ინსულინს აწარმოებენ. პირველი ტიპის დიაბეტის დროს ეს უჯრედები იმუნური სისტემით ნადგურდება, ხოლო მეორე ტიპის დიაბეტის დროს - უბრალოდ ვერ გამოიმუშავებენ ინსულინს საჭირო მოცულობით. დეფექტური უჯრედების შესაცვლელად ტომოკო კუვაბარა იაპონიის მოწინავე სამრეწველო მეცნიერებისა და ტექნოლოგიის ეროვნული ინსტიტუტიდან ტვინის უჯრედებთან მიმართვას სთავაზობს. ტექნოლოგია უკვე გამოსცადეს ვირთხებზე. თავიდან მეცნიერები მცირე რაოდენობის ქსოვილს იღებდნენ ჰიპოკამპიდან, რომელიც მეხსიერებაზეა პასუხისმგებელი. შემდეგ ქსოვილზე ზემოქმედებდნენ ადამიანის პროთეინით Wnt3a, რომელიც პასუხისმგებელია ინსულინის და ანტისხეულის გამომუშავებაზე, რომელიც ინსულინის გამომუშავების ბუნებრივ ინჰიბიტორს ბლოკავს. შემდეგ ორი კვირის განმავლობაში ღეროვან უჯრედებს ამრავლებდნენ. შედეგად უჯრედები კოლაგენის წვრილ ფურცლებზე ათავსებდნენ, რომლებიც ცხოველთა კუჭქვეშა ჯირკვალზე განლაგდებოდა, ამასთან, ორგანოსთვის ზიანის მიყენების გარეშე. შემდგომმა ანალიზმა აჩვენა: კვირის განმავლობაში ვირთხებს, რომლებსაც მანამდე დიაბეტი ჰქონდათ, შაქრის დონე სისხლში ნორმას შეესაბამებოდა. ეფექტი 19 კვირის განმავლობაში ნარჩუნდებოდა. ამის მერე მეცნიერებმა ფურცლები მოაშორეს და ყველაფერი უწინდელ მაჩვენებლებს დაუბრუნდა. უნდა ითქვას, რომ აქამდე რიგი სპეციალისტები უკვე ცდილობდნენ კუჭქვეშას უჯრედების მიღებას, ატარებდნენ რა გენეტიკურ ცვლილებებს. იაპონელ მკვლევართა მეთოდი ასეთ მანიპულაციებს არ ვარაუდობს, რაც უსაფრთხოებისა და შემდგომი გენეტიკური მუტაციების საკითხს ხსნის. წყარო - day.az
გაუზიარე სხვებს:https://www.aspurcela.ge/asp-News_-_file_-_article_-_sid_-_3607.html
| |||
| განათავსა - Drakula | 08 ოქტ. 2011, 19:29 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.16 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.