| ეკონომიკა: 2012 წელს საქართველოს სახელმწიფო ვალი 40.6%-დან 39.7%-მდე შემცირდება |  | ბიზნესი და ეკონომიკა | |
 2012 წლის სახელმწიფო ბიუჯეტის პროექტით, ეკონომიკური ზრდის პროგნოზი 5.5%-ს, ხოლო მშპ-ის დეფლატორის მაჩვენებელი - 7.0%-ს შეადგენს. ამ პარამეტრებიდან გამომდინარე, მშპ-ის ნომინალური მაჩვენებლის პროგნოზი 26 494.4 მლნ ლარი იქნება, რაც 3 021.1 მლნ ლარით მეტია, ვიდრე შარშან. მაკროეკონომიკური სტაბილურობის - მთავრობის ძირითადი პრიორიტეტის - უზრუნველყოფის მიზნით გაგრძელდება საბიუჯეტო დეფიციტისა და სახელმწიფო ვალის შემცირების ტენდენცია.სახელმწიფო ბიუჯეტის პროექტის მიხედვით, საბიუჯეტო დეფიციტი მშპ-ის მიმართ 3.7%-დან 3.6%-მდე შემცირდება, ხოლო სახელმწიფო ვალი - 40.6%-დან 39.7%-მდე. კონსოლიდირებული ბიუჯეტის საგადასახადო შემოსავლების საპროგნოზო მაჩვენებელი 6 405.0 მლნ ლარს შეადგენს, რაც მშპ-ის 24.3%-ს შეადგენს, რაც გასული წლის გეგმიურ მაჩვენებელზე 475.0 მლნ ლარით მეტია. 2012 წლის კონდოლიდირებული ბიუჯეტის საპროგნოზო საგადასახადო მაჩვენებლის გამოთვლისას ყურადღების ქვეშ აღებულ იქნა არსებული ტენდენციები 2012 წლისთვის, ეკონომიკური განვითარების საპროგნოზო მაჩვენებელი (5.5%), ფასები (მშპ-ის დეფლატორის ცვლილება 7.0%), საგადასახადო პოლიტიკა, ადმინისტრირების დონის გაუმჯობესება და სხვა ფაქტორები. როგორც სახელმწიფო ბიუჯეტის პროექტის განმარტებით ჩანაწერშია ნათქვამი, ეკონომიკური თავისუფლების აქტით დადგენილი მაჩვენებლის მისაღწევად 2014 წლისთვის, მთავრობა სახელმწიფო ხარჯების შემცირების პოლიტიკას აგრძელებს. პროექტის თანახმად, 2011 წელს მშპ-ს მიმართ ხარჯები 33.3%-დან 31.1%-მდე შემცირდა. კონსოლიდირებული ბიუჯეტის ხარჯები მშპ-ის 22.7%-ს შეადგენს, არაფინანსური აქტივების ზრდა - 5.8%-ს, ფინანსური აქტივების ზრდა - 1.6%-ს, ხოლო ვალდებულებების შემცირება - 1.0%-ს. კონსოლიდირებულ ბიუჯეტში გადახდების სრული მოცულობის ნომინალურმა გამოხატულებამ 8 263.7 მლნ ლარი შეადგინა, რაც წინა წლის მაჩვენებელზე 453.3 მლნ ლარით მეტია. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_3597.html
| |||
| განათავსა - Drakula | 07 ოქტ. 2011, 19:23 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.