| პოლიტიკა: გიორგი თარგამაძე დიდი ბრიტანეთის საგარეო საქმეთა მინისტრს შეხვდა |  | საქართველოს ამბები | |
 საქართველოს ქრისტიან-დემოკრატიული მოძრაობის ლიდერი გიორგი თარგამაძე თავისი ვიზიტის ფარგლებში მანჩესტერში დიდი ბრიტანეთის საგარეო საქმეთა მინისტრს უილიამ ხეიგსს შეხვდა. როგორც „კავკას-პრესს“ ქრისტიან-დემოკრატიული მოძრაობის პრეს-ცენტრში შეატყობინეს, მხარეებმა საქართველოსა და რეგიონში მიმდინარე პროცესები განიხილეს.უილიამ ხეიგმა კიდევ ერთხელ დააფიქსირა გაერთიანებული სამეფოს მხრიდან საქართველოს სუვერენიტეტისა და ტერიტორიული მთლიანობის მხარდაჭერა და ქვეყანაში დემოკრატიული ინსტიტუტების გაძლიერების შესახებ საუბრობდა. თავის მხრივ, გიორგი თარგამაძემ მადლობა გადაუხადა დიდი ბრიტანეთის კონსერვატიულ პარტიას პრინციპული პოზიციისთვის რუსეთის მიმართ. „ევროკავშირის ქვეყნებმა მკაფიოდ უნდა დააფიქსირონ თავისი პოზიცია, არ დაუშვან საქართველოს საზღვრების ძალადობრივი შეცვლა. რაც უფრო სწრაფად მოიშორებს რუსეთი ამ ილუზიას, მით უფრო სწრაფად გაჩნდება სივრცე დიალოგისთვის“, - განაცხადა ქრისტიან-დემოკრატების ლიდერმა. დიდი ბრიტანეთის საგარეო საქმეთა მინისტრის გარდა, გიორგი თარგამაძე დღეს, 5 ოქტომბერს, შეხვდა ევროპის საქმეთა მინისტრს დევიდ ლიდინგთონსა და კონსერვატორთა ლიდერს ევროპარლამენტში მარტინ კალანანს. გიორგი თარგამაძე და პარტიის საერთაშორისო მდივანი გიორგი რუხაძე მონაწილეობენ დიდი ბრიტანეთის კონსერვატიული პარტიის კონფერენციაში, რომელიც მანჩესტერში ტარდება. ხვალ, 6 ოქტომბერს, ქრისტიან-დემოკრატების ლიდერი ლონდონში გაემგზავრება და საექსპერტო ცენტრ „ჩეტემ ჰაუზში“ საერთაშორისო ურთიერთობების სამეფო უნივერსიტეტში გამოვა. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_3578.html
| |||
| განათავსა - Drakula | 05 ოქტ. 2011, 18:53 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.12 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.