| გარემო: დედამიწის რადიუსი თითქმის მუდმივი აღმოჩნდა |  | მსოფლიოს ამბები | |
 მეცნიერებმა NASA-ს რეაქტიული მოძრაობის ლაბორატორიიდან დაადგინეს, რომ დედამიწის რადიუსი დროთა განმავლობაში პრაქტიკულად არ იცვლება. მეცნიერთა სტატია გამოქვეყნდა ჟურნალ Geophysical Research Letters-ში, ხოლო მოკლედ მის შესახებ წერია ამერიკის კოსმოსური სააგენტოს პრეს-რელიზში.XIX საუკუნეში ჰიპოთეზა დედამიწის ცვლილების შესახებ გამოიყენებოდა ოკეანებისა და მთების წარმოშობის ასახსნელად. გასული საუკუნის 60-იან წლებში სამეცნიერო სამყაროში საბოლოოდ ჩამოყალიბდა და დომინირებადი პოზიცია დაიკავა ტექტონიკური ფილების მოძრაობის თეორიამ, რომლის საშუალებითაც აიხსნა დედამიწის რელიეფის თავისებურებები, პლანეტის გაფართოებასა და შეკუმშვასთან მიმართვის გარეშე. ბოლო დრომდე მრავალი მკვლევარი არ გამორიცხავდა, რომ დედამიწის რადიუსი შეიძლება მერყეობდეს. სხვათა გარდა, ამგვარი მერყეობები შეცდომებს შეიტანდა გაანგარიშებებში, რომლებიც უკავშირდება ათვლის საერთაშორისო დედამიწის სისტემას (ITRF - International Terrestrial Reference Frame) – 1991 წელს მიღებულ კოორდინატთა სისტემას, რომლის ცენტრიც დედამიწის მასების ცენტრში არის განლაგებული. ახალი გამოკვლევის ფარგლებში სპეციალისტებმა რეაქტიული მოძრაობის ლაბორატირიიდან შექმნეს დედამიწის ზედაპირზე ობიექტთა მოძრაობის ვრცელი მოდელი და ამისათვის თანამგზავრთა დაკვირვებების შედეგად მიღებული მონაცემები გამოიყენეს. შედეგად აღმოჩნდა, რომ თუ დედამიწის რადიუსი იცვლება, ამ ცვლილების სიჩქარე წელიწადში 0.1-ზე ნაკლებ მილიმეტრს შეადგენს. მეცნიერთა მტკიცებით, გაანგარიშებების დროს შესაძლებელია ასეთი ცვლილებების უგულებელყოფა. წყარო - lenta.ru
გაუზიარე სხვებს:https://www.aspurcela.ge/asp-News_-_file_-_article_-_sid_-_3159.html
| |||
| განათავსა - Drakula | 17 აგვ. 2011, 19:27 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.18 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.