| პოლიტიკა: ჯავახაძე: ევროპა საქართველოში სიღარიბის დონით შეშფოთებულია |  | საქართველოს ამბები | |
 მოძრაობა „სამართლიანი საქართველოსთვის“ თავმჯდომარის სერგო ჯავახაძის განცხადებით, ევროპის საბჭოს საპარლამენტო ასამბლეის მე-19 სესიაზე მომხსენებელმა გიუნტერ კრუგმა და ასამბლეამ საქართველოში სიღარიბის დონის მაღალი მაჩვენებლით შეშფოთება გამოთქვეს.როგორც ჯავახაძემ განაცხადა, მოსახლეობის 38 პროცენტი სიღარიბის ზღვარს ქვემოთ ცხოვრობს, 14 პროცენტი კი - სულ სიღარიბეში. „საქართველოს საგარეო საქმეთა მინისტრმა გრიგოლ ვაშაძემ ევროსაბჭოს კონგრესის დელეგაციასთან შეხვედრაზე დაადასტურა, რომ საქართველოს მოქალაქეთა 2 მილიონი სიღარიბის ზღვარს ქვემოთ ცხოვრობს და ეს მაშინ, როდესაც ხელისუფლებები შემდგარ სახელმწიფოსა და ეკონომიკურ წარმატებებზე საუბრობენ. ევროპის საბჭოს მონიტორები გაოგნებულები არიან იმით, თუ როგორ შეიძლება 35-პროცენტიანი უმუშევრობის პირობებში ეკონომიკურ ზრდასა და სიღარიბის დაძლევაზე საუბარი. ისინი ვერ ხვდებიან, როგორ შეიძლება ამაზე საუბარი, როდესაც უმუშევრები შესაბამის კომპენსაციებს არ იღებენ. საქართველოში საკმაოდ ბევრი ოჯახია, რომლებშიც, უკეთეს შემთხვევაში, ერთი ადამიანი მუშაობს, უარეს შემთხვევაში კი ერთ-ერთი წევრის პენსიაზე ცხოვრობს“, - განაცხადა ჯავახაძემ. მოძრაობა „სამართლიანი საქართველოსთვის“ მოითხოვს, რომ მთავრობამ უმუშევართა აღრიცხვა და მათთვის უმუშევრობის მიხედვით კომპენსაციების გაცემა დაიწყოს. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_3128.html
| |||
| განათავსა - Drakula | 12 აგვ. 2011, 17:32 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.10 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.