aspurcela.ge
გათბობის სისტემის პროექტირება და მონტაჟი, გაგრილება, ვენტილაცია, სანტექნიკა

ახალი ამბები › საქართველოს ამბები • მსოფლიოს ამბები • ბიზნესი და ეკონომიკა • გამოფენები, ფორუმები •
პოლიტიკა • ეკონომიკა • კულტურა • საზოგადოება • გარემო • მეცნიერება-ტექნოლოგიები • სპორტი • შოუ-ბიზნესი • კრიმინალი • ეს საინტერესოა •
 პოლიტიკა: ნინო ბურჯანაძე: ჩემსა და მიხეილ სააკაშვილს შორის პიროვნული დავა ნამდვილად არ არის საქართველოს ამბები  საქართველოს ამბები 
"ჩემსა და მიხეილ სააკაშვილის ურთიერთობაში გარდამტეხი 2008 წლის 7 აგვისტო იყო, როცა დავურეკე და ვთხოვე, დაგიჩოქებ, ოღონდ ცხინვალის დაბომბვაზე უარი თქვითქო და მან არ დამიჯერა", - განაცხადა "დემოკრატიული მოძრაობის" ლიდერმა ნინო ბურჯანაძე ჟურნალისტებთან არაფორმალურ შეხვედრაზე.



მისივე განმარტებით, ის მზად იყო იმისთვისაც, რომ საქართველოს ხელისუფლებას უკვე გაჩაღებული ომის შეჩერებაში დახმარებოდა, თუმცა მიხეილ სააკაშვილმა რუსეთში მისი კონტაქტების გამოყენებაზე უარი თქვა.


"ჩემსა და მიშა სააკაშვილს შორის პიროვნული დავა არ არსებობს. მასთან პიროვნულზე არაფერი მაქვს გასაბრაზებელი. შეიძლება "იმ" საარჩევნო სიაში მართლაც არ იყო ის რაოდენობა შესული, რომელიც მე მინდოდა, მაგრამ ეს საკითხი ჩვენს ურთიერთობაში გარდამტეხი არ ყოფილა. მე ახლაც მაქვს მიშა სააკაშვილის ის მესიჯები შენახული, რომელშიც მეხვეწებოდა, რომ პარლამენტის თავმჯდომარეობიდან გადადგომის შესახებ განცხადება არ გამეკეთებინა", - აღნიშნა ბურჯანაძემ.


ამასთან, მან მოსკოვში მის ვიზიტებთან დაკავშირებითაც ისაუბრა და აღნიშნა, რომ მისთვის თავიდანვე ცხადი იყო, პუტინთან შეხვედრებს მის რეიტინგზე უარყოფითი შედეგი რომ მოჰყვებოდა.


"რა თქმა უნდა ვიცოდი, რომ რუსეთში ჩემი ჩასვლა ჩემს რეიტინგზე უარყოფითად იმოქმედებდა, თუმცა მაინც ვფიქრობ, რომ გაცილებით არასწორად მოვიქეცი მაშინ, როცა გარკვეულ კონიუქტურას ანგარიში გავუწიე და შევწყვიტე მოსკოვში სიარული. პოლიტიკოსის უპირველესი მოვალეობაა, მტერი გადააქციოს მოყვარედ და არა მოყვარე მტრად. რუსეთთან ურთიერთობები აუცილებლად უნდა აღვადგინოთ და ამისთვის საჭიროა კონტაქტების აღდგენა. თავის მხრივ, რა თქმა უნდა, რუსეთთან ურთიერთობების აღდგენა არ გულისხმობს, რომ ურთიერთობები უნდა გავწყვიტოთ შეერთებულ შტატებთან", - განმარტა "დემოკრატიული მოძრაობის" ლიდერმა.


მისივე განმარტებით, რუსეთში ვიზიტებით მან "მნიშვნელოვანი ხაზი გაარღვია, რადგან დაინახა და მოისმინა ის, რაც აქამდე არ იცოდა".


"თუ ვინმე განსხვავებას ვერ ხედავს რუსეთში ფაშიზმზე გამარჯვების აღსანიშნავად გამართულ აღლუმზე დასწრებასა და შენს ქვეყანაში რუსული ტანკების შემოყვანაში, ეს უკვე მისი პრობლემა და საზოგადოების განსჯის საგანია". - დასძინა ბურჯანაძემ.
წყარო - GHN

გაუზიარე სხვებს:
https://www.aspurcela.ge/asp-News_-_file_-_article_-_sid_-_2990.html
განათავსა - consul | 28 ივლ. 2011, 19:45 | ახალი ამბები »
 

"პოლიტიკა: ნინო ბურჯანაძე: ჩემსა და მიხეილ სააკაშვილს შორის პიროვნული დავა ნამდვილად არ არის" | შესვლა/რეგისტრაცია | 0 კომენტარი
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.
კომენტარების გაკეთება შეუძლიათ მხოლოდ დარეგისტრირებულ წევრებს, რეგისტრაცია

გათბობის სისტემა, გათბობის სისტემის ონლაინ პროექტირება

სტატიის რეიტინგი
საშუალო ქულები: 0
ხმები: 0

მიეცით ხმა ამ სტატიას:

საუკეთესო
ძალიან კარგი
კარგი
საშუალო
ცუდი

მენიუ
 მთავარი გვერდი
• კომპანიები [12349] »
• ტოპ შეთავაზება [138] »
• პროდუქცია და სერვისი [4528] »
• კერძო განცხადება [105] »
• წევრი საიტზე [2590] »
 ახალი ამბებიNew content !
 რუბრიკები »
 საქართველოს ამბები »
 მსოფლიოს ამბები »
 ბიზნესი და ეკონომიკა »
 სტატიების ძებნა »
 სტატიის განთავსება »
 გამოფენები, ფორუმები »
 წევრები
 ჯგუფები »
 ჩემი კაბინეტი »
 ჩემი პროფილი »
 ჩემი შეტყობინებები »
 გამოკითხვები »
 მოდულები
 თამაშები საიტზე »New content !
 Seo ხელსაწყოები »New content !
 ფაილები და ბმულები
 გადმოწერა »
 ლინქ რეფერალები »New content !
 სხვა
 საიტის რუქა »
 ჩვენს შესახებ »
 კონტაქტი »

  • 22 ნოემბერი 2024
  • English Georgian