| პოლიტიკა: ალექსეი ვენედიქტოვი: ტურიზმის თვალსაზრისით საქართველო ევროპული ქვეყანა, პოლიტიკის თვალსაზრისით კი პოსტსაბჭოური |  | საქართველოს ამბები | |
 ტურიზმის თვალსაზრისით საქართველო ევროპული ქვეყანაა, პოლიტიკის თვალსაზრისით კი - პოსტსაბჭოური, მიაჩნია „მოსკოვის ექოს“ მთავარ რედაქტორს ალექსეი ვენედიქტოვს საქართველოში მგზავრობის შედეგების მიხედვით, იტყობინება “GHN“.„პოლიტიკის თვალსაზრისით ეს პოსტსაბჭოური ქვეყანაა. ჩემი შეგრძნება ასეთია. მე წარმომიდგენია, რომ ბატონი სააკაშვილი და მისი გუნდი სინგაპურს აშენებენ. აზიურ სინგაპურს, სადაც მოქალაქისა და ტურისტისთვის ყველაფერია მოსახერხებელი მანამ, სანამ იგი ხელისუფლებაში შეძრომას იწყებს. როგორც კი იგი ხელისუფლებაში შეძრომას იწყებს, ამხანაგი ... პოულობს შესაძლებლობას იმისა, რომ არ მისცეს ხელისუფლებაში შეძრომის საშუალება. ამ თვალსაზრისით, უპირობოდ, თუ მანდ არის დემოკრატია, იგი სინგაპურულია. ამ მიმართულებით პრობლემები არის ოპოზიციაშიც, პრობლემები აქვთ ბიზნესმენებსაც, რომლებიც ოპოზიციას აფინანსებენ, და პრობლემა არის მოსმენებთან დაკავშირებული სპეცსამსახურების მუშაობაში, თუმცა ამას, რასაკვირველია, უარყოფენ, ანუ არსებობს დემოკრატიის პრობლემები - ეს აღმოსავლური დემოკრატიაა. რაც შეეხება კონსტიტუციის ცვლილების პრობლემებს, მინდა ვთქვა, რომ ის შესწორებები, რომლებიც ახლა შეიტანება კონსტიტუციაში, რათა საპრეზიდენტოსაგან გახადონ ნახევარ-საპრეზიდენტო ან ნახევარ-საპარლამენტო (რესპუბლიკა), ეს სიტყვასიტყვით ისაა, რაც 2006 წელს ძველ მოედანზე განიხილებოდა, რათა ამხანაგი პუტინი გამხდარიყო მთავრობის უფროსი არა საპრეზიდენტო, არამედ ნახევარ-საპრეზიდენტო რესპუბლიკაში“, - აღნიშნა მან „მოსკოვის ექოს“ ეთერში. ვენედიქტოვმა აღნიშნა, რომ კონსტიტუციის შესწორებების წყალობით, სიმძიმის ცენტრი თითქოს-და გადაადგილდება და ყოფილი პრეზიდენტი შეიძლება გახდეს პრემიერ-მინისტრი. „კონსტიტუციის შესწორებები უკვე ცნობილია. არჩევნები 13 წელს. მაგრამ ბოდიშს ვიხდი, თუ საზოგადოება დემოკრატიულია, მაშინ რატომაა საჭირო პრეზიდენტის წასვლასთან ერთად პარლამენტის მხარეს კონსტიტუციის შეცვლა? რისთვისაა ეს საჭირო?“ - აღნიშნა მან. წყარო - GHN
გაუზიარე სხვებს:https://www.aspurcela.ge/asp-News_-_file_-_article_-_sid_-_2806.html
| |||
| განათავსა - Drakula | 12 ივლ. 2011, 20:22 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.05 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.