| ეს საინტერესოა: გამოკითხვამ მსოფლიოში ყველაზე პოპულარული პროდუქტები გამოავლინა |  | მსოფლიოს ამბები | |
 საერთაშორისო საქველმოქმედო ორგანიზაცია „ოქსფამმა“, კვლევით ორგანიზაცია GlobeScan-თან თანამშრომლობით, 17 ქვეყნის (ავსტრალია, ბრაზილია, გერმანია, განა, გვატემალა, ინდოეთი, კენია, მექსიკა, ნიდერლანდები, პაკისტანი, ფილიპინები, რუსეთი, სამხრეთ აფრიკა, ესპანეთი, ტანზანია, დიდი ბრიტანეთი და აშშ) მოქალაქეებს შორის ჩაატარა გამოკითხვა და გაარკვია: ყველაზე დიდ უპირატესობას ადამიანები ანიჭებენ მაკარონს, ხორცს, ბრინჯს, პიცასა და ფრინველის ხორცს.როგორც "იტარ ტასი" იტყობინება, ეს ხსნის იმას, თუ რატომ მოიცვა სიმსუქნის ეპიდემიამ პრაქტიკულად მთელი მსოფლიო. ხორბლის მაგარი ჯიშებისაგან დამზადებული სპაგეტი მიჩნეულია დიეტურ კერძად, ოღონდ თუ მას ხორცის, კარაქის და ქონიანი საწებლების გარეშე მიირთმევენ, ბოსტნეულითა და სამარხო სანალებლებით. თუმცა, ასეთი სახით მაკარონს იშვიათად მიირთმევენ (უფრო ხშირად სპაგეტს ყველსა და კარაქს უმატებენ). აღსანიშნავია, რომ გამოკითხულთა 66%-სთვის რაციონის ფორმირებისას განმსაზღვრელ ფაქტორს საკვების ღირებულება წარმოადგენს. რესპონდენტთა ნახევარზე მეტმა აღიარა: ამ მომენტისათვის მათ არ შეუძლიათ იმავე პროდუქტების ყიდვა, რასაც ორი წლის წინ ყიდულობდნენ (ორი მესამედი პროდუქტების მაღალ ღირებულებას ასახელებდა). ჯანმრთელობის შენარჩუნებისა და საკვების ნოყიერებას ადამიანები მეორე ადგილზე აყენებენ (43%). ამასთან, ამერიკელებს შორის ყველაზე საყვარელი კერძია პიცა, ავსტრიერელებს შორის - შოკოლადი, ბრიტანელებს შორის - სტეიკი, ესპანელებს შორის - პაელიუ, ხოლო ინდოეთში ეროვნულ სამზარეულოს ანიჭებენ უპირატესობას. გასაკვირია, მაგრამ, როგორც ექსპერტებმა გაარკვიეს, ფასტ-ფუდი პოპულარული საკვები პროდუქტების სიაში პირველ პოზიციებზე არ დგას. მაგალითად, KFC-ის წიწილები 107-ე პოზიციაზე, ხოლო „ბიგმაკი“ – 113-ზე აღმოჩნდა. წყარო - day.az
გაუზიარე სხვებს:https://www.aspurcela.ge/asp-News_-_file_-_article_-_sid_-_2623.html
| |||
| განათავსა - Drakula | 18 ივნ. 2011, 21:28 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.