| ეკონომიკა: მარკ მალენი: საქართველოს სინგაპურიზაციის იდეა მცდარი და საშიშია |  | ბიზნესი და ეკონომიკა | |
 ევროკავშირთან თავისუფალი ვაჭრობის შესახებ ხელშეკრულების გაფორმება თავისთავად საქართველო-ევროკავშირის ურთიერთობისთვის, ან საკუთრივ საქართველოსთვის მნიშვნელოვანი აქტი არ არის. ამ პროცესის დაწყება ორ მიზანს ემსახურება: პირველი, საქართველოს იძულება, დაიწყოს აუცილებელი ინსტიტუტების შექმნა და მეორე, საქართველოს უნარისა და მოთმინების გამოცდა, იმისა, თუ რამდენად შეუძლია საქართველოს მსგავსი ხელშეკრულებების გაფორმება და შესრულება. საქართველო დაჩქარებული ქვეყანაა, როგორც მისი ლიდერები აცხადებენ, თუმცა, ჩვეულებრივ, ის, რაც სწრაფად შენდება, ასევე სწრაფად ინგრევა. ევროკავშირს სურს დარწმუნება იმაში, რომ ისინი, ვინც კლუბში შესვლაზე საუბრობენ, სერიოზული პარტნიორები არიან. თუ საქართველო ევროკავშირის ბაზარს შემოუერთდება, მათ შორის, სამუშაო ძალის თავისუფალი გადაადგილების თვალსაზრისით, ეკონომიკური პრობლემები მისთვის უკვე აღარასდროს იქნება იმდენად სერიოზული, რომ ქვეყანას ეკზისტენციალური საფრთხე ემუქრებოდეს.აქ ერთი პრობლემა არსებობს: საქართველოში არსებობს ერთი აქტიური და შესანიშნავად ორგანიზებული ჯგუფი, რომელიც ამტკიცებს, რომ ევროკავშირის მთავარი იდეა გადაჭარბებული რეგულაციების დაწესებაა, რომ ეს რეგულაციები ეკონომიკურ განვითარებას ამუხრუჭებს, რომ ევროკავშირი კრიზისშია და რომ საქართველოსთვის საუკეთესო გზაა ეკონომიკის დერეგულაცია. მათ მიაჩნიათ, რომ პოლიტიკის დერეგულაცია მრავალ ინვესტიციას მოიტანს, ეკონომიკური ზრდა არანორმალურ მასშტაბებს მიაღწევს და საქართველოს ევროკავშირი სულაც აღარ დასჭირდება. ეს არის მოდელი „საქართველო როგორც სინგაპური“ და ეს სულელური მოდელია. ეს ჯგუფი ასევე გამოთქვამს პრეტენზიას იმაზე, თუ როგორ ეპყრობა ევროკავშირი საქართველოს და ეუბნება ბრიუსელს, რომ მან საქართველოსადმი ახალი მიდგომა უნდა მოსინჯოს. რთული არაა გამოვიცნოთ, რას ფიქრობს ამაზე ბრიუსელი. ბევრი მიზეზია იმისა, თუ რატომ არის ეს იდეა საქართველოსთვის მცდარი და, ამასთან, საშიში. პირველ რიგში, ევროკავშირი ნიშნავს ბევრად მეტს, ვიდრე უბრალო რეგულაციებს. მისმა რეგულაციებმა რეალურად იმუშავა. ევროზონის პრობლემა არა რეგულაციის უკმარისობა იყო (როგორც ეს ადამიანები ამტკიცებენ), არამედ ის, რომ როგორც აშშ-ში, ისე ევროპაში ფინანსური ბაზრები არასაკმარისად რეგულირდებოდა. თუმცა, ყველა იმ აზრს ემხრობა, რომ კონკურენტუნარიანი ბაზრები კარგია, მაგრამ საქართველოსთვის განსაკუთრებით გონიერი ნაბიჯი არ იქნება, თუ იგი მარტო დაიწყებს ასეთ სამეზობლოში განვითარებას. მსოფლიოს ამ ნაწილში უცხოელ ინვესტორებს ინსტიტუციონალური სისუსტისა და პოლიტიკური რისკების ეშინიათ, და არა საგადასახადო ტარიფებისა და რეგულაციებისა. ეფექტური რეგულაციები ინვესტიციების მოზიდვას უწყობს ხელს. თუ ვინმეს დაავიწყდა, შევახსენებ, რომ სინგაპური დემოკრატიული ქვეყანა არაა. სინგაპურში მთავრობის კრიტიკა აკრძალულია და უკვე 50 წელია, ხელისუფლებაში ერთი პარტია იმყოფება. მარკ მალენი აშშ-ის ეროვნულ-დემოკრატიული ინსტიტუტის ქართული ქვედანაყოფის ყოფილი ხელმძღვანელი, Transparency International Georgia-ის საბჭოს თავმჯდომარეა. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_2617.html
| |||
| განათავსა - Drakula | 18 ივნ. 2011, 21:20 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.08 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.