| შოუ-ბიზნესი: ცნობილი ბრიტანელი მომღერალი მოდის დიზაინერი გახდება |  | მსოფლიოს ამბები | |
 ბრიტანელი მომღერალი რობი უილიამსი საკუთარ თავს მოდის დიზაინერის როლში გამოცდის: უახლოეს მომავალში იგი მამაკაცის ტანსაცმლის კოლექციას გამოუშვებს. ამის შესახებ იტყობინება ContactMusic.ონლაინ-გამოცემის მონაცემებით, ტანსაცმლის შექმნა მომღერალს მისი გარდაცვლილი ბაბუის ხსოვნამ შთააგონა. მოსალოდნელია, რომ უილიამსის მიერ შექმნილი ტანსაცმელი გაყიდვაში უახლოეს მომავალში გაჩნდება და თავიდან ბრიტანელი მაღაზიების ქსელ House of Fraser-ში გაიყიდება. მიუხედავად ამისა, ბრენდის წარმომადგენელმა დარწმუნებით თქვა, რომ მომავალში უილიამსის კოლექციის ტანსაცმლის შეძენა ევროპის სხვა მაღაზიებშიც იქნება შესაძლებელი. ტანსაცმლის ღირებულება იქნება 35-დან 350 ფუნტამდე (40-დან 400 ევრომდე). რობი უილიამსს, რომელიც ცოტახნის წინ ჯგუფ Take That-ში დაბრუნდა და თავის კოლეგებთან ერთად ტურნეში გაემგზავრა, დღემდე მოდელიერად მუშაობის გამოცდილება არ ჰქონია. თუმცა, თავისი ძირითადი მუშაობის გარდა, მან საკუთარი თავის ჩვენება რამდენიმე სხვა დარგშიც მოასწრო, კერძოდ: ცოტახნის წინ იგი ფერწერით დაინტერესდა, მანამდე კი უილიამსი უცხოპლანეტური სიცოცხლის შესწავლით იყო დაკავებული. უილიამსი პირველი მუსიკოსი არაა, რომელმაც მოდით დაკავება გადაწყვიტა. ტანსაცმლის საკუთარ კოლექციებს ასევე უშვებენ ისეთი ბრიტანელი ვარსკვლავები, როგორებიცაა ვიქტორია ბექჰემი და ლიამ გალაჰერი. წყარო - day.az
გაუზიარე სხვებს:https://www.aspurcela.ge/asp-News_-_file_-_article_-_sid_-_2503.html
| |||
| განათავსა - Drakula | 03 ივნ. 2011, 11:33 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.