| კულტურა: თბილისში გერმანიის დღეები ტარდება |  | საქართველოს ამბები | |
 16-21 მაისს თბილისში გერმანიის დღეები ჩატარდება. როგორც „კავკაზ-პრესს“ გერმანიის საელჩოში შეატყობინეს, მიმდინარე კვირის განმავლობაში საელჩო და საქართველოში არსებული ყველა გერმანული ორგანიზაცია ქართულ-გერმანული ურთიერთობების ფართო სპექტრს წარადგენენ, მათ შორის ნახატების გამოფენას, ეკონომიკის დღეს, განათლების სფეროს გამოფენას, განვითარების სფეროში თანამშრომლობის ღონისძიებებს, სხვადასხვა ღონისძიებებს სკოლებში და გრანდიოზულ დღესასწაულს გოეთეს ინსტიტუტში.დღეს, 16 მაისს, გერმანიის ელჩი ორტვინ ჰენიგი თბილისის საკრებულოს თავმჯდომარესთან ზაალ სამადაშვილთან ერთად ერთობლივ პრეს-კონფერენციას გამართავს. დღესვე შალვა ამირანაშვილის სახელობის ხელოვნების ეროვნულ მუზეუმში გაიხსნება გამოფენა „XIX-XX საუკუნეების გერმანელი მხატვრები საქართველოში - საქართველოს ეროვნული მუზეუმის კოლექცია“. დღეს ასევე გერმანიის დღეებთან დაკავშირებით კონკურსი-ვიქტორინა დაიწყება. ინტერნეტ-გვერდზე www.deutschetageintiflis.geგანთავსებული იქნება შეკითხვები გერმანიის, საქართველოსა და ქართულ-გერმანული ურთიერთობების შესახებ. გამარჯვებულები სხვადასხვა პრიზებს მიიღებენ, რომლებსაც 21 მაისს გოეთეს ინსტიტუტში გერმანიის ელჩი გადასცემს. მთავარი პრიზებია საელჩოს მიერ გამოყოფილი ნეთბუქი და გერმანული ენის ერთი უფასო კურსი გოეთეს ინსტიტუტში. 17 მაისს განვითარების სფეროში თანამშრომლობის დღის ფარგლებში მოცემულ სფეროში გერმანიის საქმიანობა იქნება წარმოდგენილი, ხოლო 18 მაისს ყურადღების ცენტრში იქნება გერმანული ენა და ქართულ-გერმანულ ურთიერთობები უმაღლესი სასწავლო დაწესებულებების დონეზე. 19 ივნისი ეკონომიკას მიეძღვნება. ეკონომიკის სამინისტროს წარმომადგენლებთან ერთად გერმანიის ელჩი გამოფენა „ექსპო გერმანიას“ გახსნის. ეს გამოფენა ეკონომიკის სფეროში ქართულ-გერმანულ ურთიერთობებთან იქნება დაკავშირებული. განათლების გამოფენა 20 მაიის მოეწყობა, სადაც წარმოდგენილი იქნება გერმანიის საქმიანობა ქართული განათლების სფეროში. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_2353.html
| |||
| განათავსა - Drakula | 16 მაისი 2011, 12:58 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.