| პოლიტიკა: სააკაშვილი: ჩვენ ჯერ კიდევ ძალიან ღარიბი ქვეყანა გვაქვს |  | საქართველოს ამბები | |
 საქართველოს პრეზიდენტის მიხეილ სააკაშვილის აზრით, „არავინ შეცდეს ეკონომიკის მინისტრის სანდო გარეგნობით, ვინაიდან მას დიდი კბილებიც აქვს“. როგორც პრეზიდენტმა 11 მაისს „მერკური 2011“-ის დაჯილდოებაზე განაცხადა, იგი თავიდანვე აფრთხილებდა ყველას, რომ ისინი მოტყუებულნი არ ყოფილიყვნენ ქობალიას გარეგნობით და რომ „მას დელფინზე უფრო დიდი კბილები აქვს, რომელსაც, როგორც ზოგიერთი ირწმუნებოდა, სააკაშვილმა ხახაში თავი ჩაუდო“.პრეზიდენტ სააკაშვილის შეფასებით, ვერა ქობალიამ მთელი სამინისტრო გამოაცოცხლა და, დაცვიდან დაწყებული სეკრეტარიატით დამთავრებული, ახალი ხალხი მუშაობს და, რაც მთავარია, სამინისტროში საქმიანი განწყობა მეფობს. „სინამდვილეში ჩვენ ძალიან ჩამოვრჩით ცხოვრებას, მრავალი რამ უნდა ამოვწიოთ და ჯერჯერობით ძალიან ღარიბი ქვეყანა გვაქვს“, - განაცხადა პრეზიდენტმა და დაამატა, რომ, მიუხედავად იმისა, რომ ბიზნესმა მრავალი სფეროს ათვისება შეძლო, მრავალი რამ აუთვისებელი რჩება. მანვე აღნიშნა, რომ საქართველოს ეკონომიკური მოდელი უნდა იყოს ისეთი, როგორიც სინგაპურშია და საქართველომ ასევე უნდა გამოიყენოს გეოგრაფიული მდებარეობა, როგორც იგი სინგაპურმა გამოიყენა. როგორც პრეზიდენტმა აღნიშნა, სახელმწიფოს ასეთი განვითარება მოქალაქეების თანხმობას, ხანგრძლივ პოლიტიკურ პროცესსა და სტაბილურობას ეფუძნება. პრეზიდენტმა ასევე აღნიშნა, რომ საქართველო კარგად აშენებს გზებს არაოკუპირებულ ტერიტორიებზე და შეძლებს იმის გაკეთებას, რისი გაკეთებაც რიგმა ქვეყნებმა მხოლოდ ევროკავშირში შესვლით მოახერხეს. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_2317.html
| |||
| განათავსა - Drakula | 12 მაისი 2011, 10:05 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.