| სპორტი: რუსთავში საერთაშორისო კლასის „ავტოქალაქი“ აშენდება |  | საქართველოს ამბები | |
 რუსთავი საქართველოში პირველი ქალაქია, რომელიც უახლოეს მომავალში ავტორბოლების საერთაშორისო ტურნირებს მიიღებს.5 თვეში ქალაქში თანამედროვე სტანდარტების საავტომობილო კომპლექსი გაიხსნება, რომელშიც შევა ავტოდრომი, ბოქსები, პილოტების გადამზადების სკოლა, ტიუნინგ-ცენტრი, ტექდათვალიერების ზონა, სამედიცინო პუნქტი, ტრიბუნები, ვერტმფრენის მოედანი, თანამედროვე სამეცნიერო მიღწევების მუზეუმი, VIP-ადგილი განსაკუთრებული სტუმრებისთვის. 4100 კმ სიგრძისა და 18 მ სიგანის ტრასა პირადად დაათვალიერა ცოტახნის წინ საქართველოში ოფიციალური ვიზიტით მყოფმა FIA-ს პრეზიდენტმა და ხანგრძლივი დროის განმავლობაში „ფორმულა 1„-ში გუნდ „ფერარის“ მფლობელმა ჟან ტოდტმა. მისი თქმით, რამდენიმე თვეში რუსთავის ავტოდრომი ერთ-ერთ პრესტიჟულ საერთაშორისო სერტიფიკატ „გრიდ2“-ს მიიღებს. ტოდტის განცხადებით, საქართველოში ჩამოსვლამდე მან უკრაინა და სომხეთი მოინახულა. საქართველოში ნანახმა ყველა მოლოდინს გადააჭარბა. „მე რუსთავში მშენებარე ავტოდრომი დავათვალიერე, რომელიც უბრალოდ ფანტასტიურია და მე მას ავტოქალაქს ვუწოდებდი. ამ კომპლექსს პერსპექტივა აქვს, მსოფლიო ავტოდრომების სიაში შევიდეს საერთაშორისო, მაღალი დონის ტურნირების ჩატარების შესაძლებლობით. FIA საქართველოს მაქსიმალურ დახმარებას გაუწევს და მჯერა, რომ იგი მალე საერთაშორისო შეჯიბრთა ბადეში ჩაჯდება“ - განაცხადა სტუმარმა. როგორც საქართველოს საავტომობილო ასოციაციის პრეზიდენტი შოთა აფხაზავა აცხადებს, რუსთავის ავტოტრასის მშენებლობა ოქტომბერში დასრულდება და პირველი საერთაშორისო ტურნირის ჩატარება ამ დროისთვის იგეგმება, რის შემდეგაც FIA-საგან 10 წლიანი ლიცენზიის მიღებას ელიან. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_2247.html
| |||
| განათავსა - Drakula | 05 მაისი 2011, 10:09 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.07 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.