| პოლიტიკა: ედპ: რუსეთთან ბრძოლა დემოკრატიული ინსტიტუტების განვითარებით არის საჭირო |  | საქართველოს ამბები | |
 ეროვნულ-დემოკრატიული პარტია რუსულ აგრესიასთან ბრძოლის ერთადერთ იარაღად ქვეყანაში დემოკრატიული ინსტიტუტების განვითარებას მიიჩნევს.როგორც 29 აპრილს პრეს-კონფერენციაზე პარტიის ლიდერმა ბაჩუკი ქარდავამ განაცხადა, რუსეთი ცდილობს საერთაშორისო საზოგადოებას საქართველო წარუდგინოს როგორც არშემდგარი სახელმწიფო და ნებისმიერი გზებით ცდილობს შემოაბრუნოს ქვეყნის პოლიტიკის დასავლური ვექტორი ჩრდილოეთისკენ. „ჩვენ ჯერ კიდევ 2008 წლის აგვისტოს რუსულ-ქართული ომის პერიოდში და მას შემდეგაც ვაცხადებდით, რომ, გარდა სამხედრო აგრესიისა, რუსეთი აუცილებლად მიმართავს პოლიტიკურ აგრესიას, ქვეყნის შიგნით სიტუაციის დესტაბილიზაციასა და სხვა სახის პროვოკაციებს, და ფაქტია, რომ აკეთებს კიდეც ამას“, - თქვა ქარდავამ. მისი თქმით, რუსეთი მომავალშიც გეგმავს სხვადასხვა სახის საპროცოკაციო ძალოვან ქმედებებს, როგორც კონფლიქტურ რეგიონებში, ისე დიდ ქალაქებში ხალხის თავმოყრის ადგილებში. ხოლო ლავროვის მიერ გაკეთებული განცხადება იმ გეგმებს ადასტურებს, რომლებითაც რუსეთი ამჯერად საქართველოს ტერიტორიაზე უფრო მასშტაბური პროვოკაციების განხორციელებას აპირებს. ეროვნულ-დემოკრატიულმა პარტიამ მოუწოდა მთავრობას, გააორმაგოს მუშაობა, რათა დაგეგმილი პროვოკაციები თავიდან აიცილოს, ხოლო საერთაშორისო ორგანიზაციებსა და სადამკვირვებლო მისიებს პარტიამ საქართველოს მთელ ტერიტორიაზე მონიტორინგის გაძლიერებისკენ მოუწოდა. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_2182.html
| |||
| განათავსა - Drakula | 30 აპრ. 2011, 09:58 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.19 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.