| ეკონომიკა: ქობალია ყაზახეთის მხრიდან საქართველოსადმი ინტერესის ამაღლებას მოელის |  | ბიზნესი და ეკონომიკა | |
 საქართველოს ეკონომიკის მინისტრი ვერა ქობალია ყაზახური ბიზნესის მხრიდან საქართველოსადმი დიდ დაინტერესებას მოელის. ამის შესახებ ქობალიამ ყაზახური გამოცემა „ლიტერისთვის“ მიცემულ ინტერვიუში განაცხადა.„ბოლო წელიწადნახევრის განმავლობაში ინვესტიციები ყაზახეთიდან შემცირდა. მსხვილ თანხებს 2007 წელს ჰქონდა ადგილი, შემდეგ კი შეინიშნებოდა გადინება, ამასთან არა მხოლოდ ყაზახური ინვესტიციებისა. მიზეზი მსოფლიო ფინანსური კრიზისი და 2008 წლის სამხედრო მოვლენებია. ყველაფერ ამას ჩვენთვის უკვალოდ არ ჩაუვლია და 2009 წელს ეკონომიკის დაცემამ 3.9 პროცენტი შეადგინა. მაგრამ ჩვენ სწრაფად დავდექით ფეხზე და 2010 წლის შედეგებით ჩვენთან მშპ-ის ზრდა 6.5 პროცენტის დონეზე იყო. ამიტომ მრავალი ინვესტორი დაბრუნდა და აღადგინა თავისი დაბანდებები. გარდა ამისა, ჩვენ ინვესტიციათა დივერსიფიკაციის პოლიტიკას ვაწარმოებთ, ანუ დაბანდებებისათვის სფეროთა ფართო სპექტრს ვთავაზობთ: ეს ტრანსპორტიცაა, ენერგეტიკაც, ტურიზმიც, რაც დანაკარგთა რისკებს ამცირებს. ამიტომ იმედი მაქვს, 2011 წელს ჩვენ ყაზახეთიდან მეტ ინვესტიციას დავინახავთ“, - აღნიშნა საქართველოს ეკონომიკის მინისტრმა. ქობალია დარწმუნებულია, რომ საქართველო ყაზახეთის ბიზნეს-წრეებისათვის მიმზიდველი გახდება. „ქართულმა მთავრობამ ყველა პირობა შექმნა, რათა ჩვენი ბიზნესი ყაზახეთში პარტნიორებს პოულობდეს. ქართული ბიზნესი უკვე საკმარისად განმტკიცდა და, გარწმუნებთ, იგი მიმზიდველი იქნება ყაზახური ბიზნეს-წრეებისათვის“, - განაცხადა ვერა ქობალიამ. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_2149.html
| |||
| განათავსა - Drakula | 28 აპრ. 2011, 09:50 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.05 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.