| პოლიტიკა: აშშ-ის დემოკრატიულ პარტიას პირველად ჩაუდგება სათავეში ქალი |  | მსოფლიოს ამბები | |
 ბარაკ ობამამ აშშ-ის დემოკრატიული ეროვნული კომიტეტის თავმჯდომარის თანამდებობაზე დები ვასერმან-შულცის კანდიდატურა წამოაყენა. ამის შესახებ Associated Pressიტყობინება.მოსალოდნელია, რომ ეროვნული კომიტეტის წევრები ობამას არჩევანს მოიწონებენ და პირველად აშშ-ის დემოკრატიული პარტიის ისტორიაში მას ქალი ჩაუდგება სათავეში. დემოკრატიული ეროვნული კომიტეტის თავმჯდომარის თანამდებობაზე ვასერმან-შულცი ვირჯინიის ყოფილ გუბერნატორს ტიმ კეინს შეცვლის, რომელიც პარტიას 2009 წლიდან ედგა სათავეში. კეინმა ადრე განაცხადა, რომ ვირჯინიის სენატორის ადგილისთვის აპირებს ბრძოლას. 44 წლის დები ვასერმან-შულცს საკვანძო როლის შესრულება მოუწევს ბარაკ ობამას ახალი საპრეზიდენტო კამპანიაში. ობამამ 4 აპრილს მეორე ვადაზე კენჭისყრის განზრახვის შესახებ განაცხადა. შემდეგი საპრეზიდენტო არჩევნები აშშ-ში 2012 წლის ნოემბერში ჩატარდება. 2005 წლიდან ვასერმან-შულცი აშშ-ის კონგრესის წარმომადგენელთა პალატის წევრია ფლორიდის შტატიდან. 2008 წლის საპრეზიდენტო კამპანიის საწყის ეტაპზე ვასერმან-შულცი ჰილარი კლინტონს უჭერდა მხარს, თუმცა შემდეგ ბარაკ ობამას აქტიური მომხრე გახდა. ობამას მხარდაჭერას კონგრესმენი მას შემდეგაც აგრძელდება, რაც მან პრეზდიენტო თანამდებობა დაიკავა. დები ვასერმან-შულცი სამი ბავშვის დედაა. იგი კონგრესის წევრის გაბრიელ გიფორდსის ახლო მეგობარია, რომლის სიცოცხლეზეც ხელყოფას ჰქონდა ადგილი 2011 წლის იანვრის დასაწყისში. წყარო - lenta.ru
გაუზიარე სხვებს:https://www.aspurcela.ge/asp-News_-_file_-_article_-_sid_-_1918.html
| |||
| განათავსა - Drakula | 06 აპრ. 2011, 15:21 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.