თბილისის საკრებულოს დეპუტატმა, „თავისუფალი დემოკრატების“ წარმომადგენელმა, ვიქტორ დოლიძემ 2 თებერვალს წარმოადგინა ჯანდაცვის მსოფლიო ორგანიზაციის (ჯმო) გამოკვლევების შედეგები საქართველოსთან დაკავშირებით.

ჯმო-ს გამოკვლევების თანახმად, საქართველოში ორსულ ქალებს შორის სიკვდილიანობის მაჩვენებელი ძალიან მაღალია და საქართველო 47 ევროპულ ქვეყანას შორის 44-ე ადგილზეა.

 

2010 წელს საფრანგეთში ამ მაჩვენებელმა შეადგინა 8 ორსული 100 000 ადამიანზე, დიდ ბრიტანეთში - 8, გერმანიაში - 4, საბერძნეთში - 3, ესტონეთში - 25, ლიტვაში - 11.

 

„საქართველოში 2010 წელს ეს მაჩვენებელი 106%-ით გაიზარდა და შეადგინა 66 ორსული ყოველ 100 000 ადამიანზე, 2011 წელს - 32“, - აღნიშნა დოლიძემ.

 

მისი თქმით, ეს საგანგაშო მონაცემები მძიმე სოციალური ფონის შედეგია.