ეკონომიკისა და მდგრადი განვითარების სამინისტრომ სავაჭროდ კიდევ 4 სამედიცინო ობიექტი გაიტანა. როგორც კავკაზ-პრესს უწყებაში შეატყობინეს, ყველა ობიექტი განლაგებულია თბილისში, წინანდალის ქუჩა #9-ში და ე. წ. საავდმყოფოთა კომპლექს „არამიანცში“.

საპრივატიზაციო ობიექტებს შორისაა: შ.პ.ს. „საერთო-ქირურგიული კლინიკა“, საწყისი ფასი 250 000 ლარი; შ.პ.ს. „ნეიროქირურგიული კლინიკა“, საწყისი ფასი 180 000 ლარი; ტრავმატოლოგიისა და ორთოპედიის კლინიკა „სინთეზი’, საწყისი ფასი 180 000 ლარი; გადაუდებელი ნევროლოგიის კლინიკა „ნევროლოგი“, საწყისი ფასი 160 000 ლარი.

 

აუქციონი 2 მარტზეა დაგეგმილი.

 

შეგახსენებთ, რომ მიმდინარე წელს ეკონომიკის სამინისტრომ უკვე გაყიდა რამდენიმე მსხვილი სამედიცინო ობიექტი.