მისივე ინფორმაციით, დღეისათვის ნავთობის მსოფლიო ფასები შეადგენს: ლონდონში InterContinental Exchange Futures Europe -ზე (IСE Futures Europe) - Brent ტიპის ნავთობის ფასი - 91.19 დოლარს/ბარელზე; ნიუ-იორკში New York Mercantile Exchange-ზე (NYMEX) - Light Sweet ტიპის ნავთობის ფასი 88.61 დოლარს/ბარელზე. 

 

როგორც მთვრალაშვილი განმარტავს, ნავთობის ფასების მატება განპირობებულია სხვადასხვა ფაქტორებით. მათ შორის, დოლარის დაცემა ევროსთან მიმართებაში; მსოფლიოში ეკონომიკური ზრდის ტემპების დაჩქარების შესახებ პროგნოზები (ძირითადად ამერიკაში, ჩინეთსა და აზიურ ქვეყნებში); უპრეცედენტოდ ცივი ზამთარი ევროპაში, რომელმაც ნავთობის მოხმარების ზრდა გამოიწვია.

 

"ნავთობის ფასის ზრდასთან ერთად გაიზარდა ასევე საერთაშორისო ფასები ნავთობპროდუქტებზე, რომლითაც ხორციელდება საქართველოში საწვავის იმპორტი. სექტემბრის თვის შემდეგ ბენზინის საერთაშორისო ფასი Pლატტ'ს-ის მიხედვით გაზრდილია 20 პროცენტით 684 დოლარიდან 818 დოლარამდე ტონაზე, ხოლო დიზელის ფასი მომატებულია 19.4 პროცენტით 642 დოლარიდან 749 დოლარამდე ტონაზე. აქვე უნდა დავაზუსტოთ, რომ ეს არის ფასები, რომლებსაც კომპანია იხდის უშუალოდ პროდუქციის შეძენისას ადგილზე",-აღნიშნავს მთვრალაშვილი.

 

მისი თქმით, ბოლო 3 თვის განმავლობაში ლარი დოლართან მიმართებაში გამყარდა 4.5 პროცენტით, კერძოდ, 3 თვის წინ ის იყო 1.8492, ხოლო დღეს არის 1,77.

https://www.aspurcela.ge/asp-News_-_file_-_article_-_sid_-_733.html