Translation tool beta version. Translation quality may be not a good
| ხვალ საქართველოს პრეზიდენტი ევროპარლამენტში სიტყვით გამოვა |  | Georgian News | |
 ხვალ საქართველოს პრეზიდენტი მიხეილ სააკაშვილი ევროპარლამენტის წინაშე სიტყვით უკვე მეორედ გამოვა. აღსანიშნავია, რომ ეს არის უპრეცდენტო შემთხვევა, რადგან მანამდე ევროკავშირის არცერთი არაწევრი ქვეყნის ლიდერისთვის, ევროპარლამენტში სიტყვით გამოსვლა ორჯერ არ შეუთავაზებიათ. მიხეილ სააკაშვილი ევროპარლამენტში 2006 წელს უკვე იმყოფებოდა. მანამდე ასეთი პატივი მხოლოდ ტიბეტის სულიერ ლიდერ დალაი ლამას ხვდა წილად. ევროპარალმენტში სიტყვით გამოსვლისას საქართველოს პრეზიდენტი ვარდების რევოლუციის შემდეგ განხორციელებულ რეფორმებზე, ქვეყნის დეოკუპაციასა და საქართველოს ევროატლანტიკურ სივრცეში ინტეგრაციაზე ისაუბრებს. დაგეგმილია პრეზიდენტის შეხვედრა ევროპარლამენტის პრეზიდენტ იეჟი ბუზეკთან. შეხვედრის შემდეგ კი გაიმართება ერთობლივი პრესკონფერენცია. ევროპულ და ევრო-ატლანტიკურ სტრუქტურებში სახელმწიფო მინისტრის გიორგი ბარამიძის თქმით, პრეზიდენტის ეს გამოსვლა მეტად მნიშვნელოვანი იქნება ქვეყნისათვის. ევროპარლამენტი ერთ-ერთი წამყვანი ორგანოა ევროპის პოლიტიკის ჩამოყალიბებაში. შესაბამისად, ყოველი სახელმწიფოსა და მისი ლიდერისათვის ევროპარლამენტის ტრიბუნიდან გამოსვლა დიდი პატივია. საქართველოს პრეზიდენტი სტრასბურგში ლისაბონიდან, ნატოს სამიტის დასრულების შემდეგ, გაემგზავრა. Source - medianews.ge
Share to:https://www.aspurcela.ge/asp-News_-_file_-_article_-_sid_-_440.html
| |||
| Posted by teo- | 22 Nov 2010, 15:37 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.