საქართველომ ცნობილი ღვინო „ხვანჭკარას“ სავაჭრო ნიშანი დაიბრუნა » Georgian News

News › Georgian News • World News • Business & Economics • Trade Shows & Forums •
Politics • Economics • Culture • People • Environment • Science-Technologies • Sports • Show-business • Criminalistics • it's Interesting •

Translation tool beta version. Translation quality may be not a good

	საქართველომ ცნობილი ღვინო „ხვანჭკარას“ სავაჭრო ნიშანი დაიბრუნა	Georgian News
საქართველომ პოპულარული ღვინო „ხვანჭკარას“ სავაჭრო ნიშანი დაიბრუნა, რომელიც, თავის დროზე, აშშ-ის საპატენტო ბიურომ კომპანია „Dozortsev & Son“-ს მიუნიჭა, იუწყება “GHN“. როგორც სააგენტო „GHN“-თან საუბრისას „საქპატენტის“ ხელმძღვანელმა ირაკლი გვალაძემ თქვა, საქართველომ უკვე დაიბრუნა ღვინო „ხვანჭკარას“ სავაჭრო ნიშანი, მაგრამ ამას თან სდევდა აშშ-ის საპატენტო უწყების რამდენიმე სასამართლო გარჩევა კომპანია „Dozortsev & Son“-თან. გვალაძის თქმით, საბოლოო შედეგად, მას მერე, რაც ამერიკულმა მხარემ ქართული მხარის არგუმენტები წარადგინა, საქართველოსა და „Dozortsev & Son“-ს შორის მიღწეულ იქნა შეთანხმება, რომლის საფუძველზეც კომპანიამ დაიბრუნა სავაჭრო ნიშანი ქართული მხრიდან თანხის გადახდის გარეშე. შეთანხმების თანახმად, „Dozortsev & Son“-ს ხვანჭკარის დისტრიბუციის უფლება ექნება მხოლოდ იმ მწარმოებლებისაგან, რომლებიც ამ ღვინოს საქართველოში აწარმოებენ. „Dozortsev & Son“-თან პრობლემა წარმოიშვა მას შემდეგ, რაც საქართველომ აშშ-ში 18 დასახელების ღვინის რეგისტრაციის პროცესი დაიწყო. იმასთან დაკავშირებით, რომ „ხვანჭკარა“ 2005 წელს „Dozortsev & Son“-ის მიერ იქნა დაპატენტებული, წარმოიშვა გარკვეული პრობლემები. ამჟამად, ევროკავშირთან შეთანხმების თანახმად, ევროპის ქვეყნებში 18 ქართული ღვინოა დარეგისტრირებული. ესაა „ათენი“, „ახაშენი“, „წინანდალი“, „გურჯაანი“, „კარდანახი“, „კახეთი“, „ყვარელი“, „მანავი“, „მუკუზანი“, „ნაფარეული“, „ქინძმარაული“, „სვირი“, „თელიანი“, „თიბაანი“, „თვიში“, „ვაზისუბანი“ და „ხვანჭკარა“. Source - GHN Share to: facebook tweeter buzz stumbleupon myspace https://www.aspurcela.ge/asp-News_-_file_-_article_-_sid_-_3178.html
Posted by Drakula \| 19 Aug 2011, 19:24 \| News »