Translation tool beta version. Translation quality may be not a good
| ეკონომიკა: ეკონომიკური პოლიტიკის ინსტიტუტი: მიკრო და მცირე ბიზნესი ინფორმაციულ ვაკუუმშია |  | Business & Economics | |
 მიკრო და მცირე ბიზნესის წარმომადგენლები მათი სტატუსის განსაზღვრებასთან დაკავშირებით ჯერ კიდევ მნიშვნელოვან ინფორმაციულ ვაკუუმში იმყოფებიან. რადიო „კომერსანტის“ შეტყობინებით, ამის შესახებ აცხადებს არასამთავრობო ორგანიზაცია „ეკონომიკური პოლიტიკის ინსტიტუტი“, რომელმაც ფინანსთა სამინისტროს ანგარიშის შეფასება წარმოადგინა.„მთლიანობაში ჩვენ დადებითად ვაფასებთ ფინანსთა სამინისტროს შემოსავლების სამსახურის ახალ კურსს სამართლიანი, მარტივი და საიმედო საგადასახადო სისტემის გამო. ჩვენ მნიშვნელოვნად მიგვაჩნია კურსის ფარგლებში ისეთი რეგულაციების შემოღება, როგორებიცაა: პრინციპი GOOD FAITH– „პატიოსნება“, წინასწარი გადაწყვეტილება, საგადასახადო ომბუდსმენის ინსტიტუტის შექმნა, მიკრო და მცირე ბიზნესის სტატუსის განსაზღვრა და მათთან მიმართებაში საგადასახადო დაბეგვრის სპეციალური რეჟიმების შემუშავება და ა. შ. თუმცა, ამასთან მიგვაჩნია, რომ „ახალი კურსით“ დადგენილი მიზნების ნაწილი, მაგალითად, საგადასახადო სისტემის მიმართ საიმედოობის ამაღლება, საგადასახადო დებულებების გამარტივება, გაურკვევლობების აღმოფხვრა, ჯერ კიდევ შეუსრულებელია“ - აცხადებენ ინსტიტუტში და შემოსავლების სამსახურს აძლევენ რეკომენდაციას, ამ მიმართულებით უფრო აქტიური ქმედებები განხორციელონ. ინსტიტუტი ასევე ფინანსთა სამინისტროს ურჩევს აქტივაცია გაუწიოს საინფორმაციო კამპანიას საგადასახადო დაბერგვრის სპეციალური, საშეღავათო რეჟიმების შესახებ მიკრო და მცირე ბიზნესისთვის იმისათვის, რომ თავიდან აიცილოს შესაძლო გართულებები. არასამთავრობო ორგანიზაცია „ეკონომიკური პოლიტიკის ინსტიტუტი“ მიმდინარე წლის ივნისში დაფუძნდა. იგი დააფუძნეს ადამიანებმა, რომლებსაც ანალიტიკური და პრაქტიკული მოღვაწეობის გამოცდილება აქვთ ეკონომიკის, პოლიტიკისა და ბიზნესის სფეროში. ინსტიტუტის აღმასრულებელი დირექტორია გიორგი აბაშიშვილი. Source - bizzone
Share to:https://www.aspurcela.ge/asp-News_-_file_-_article_-_sid_-_2952.html
| |||
| Posted by Drakula | 26 Jul 2011, 19:32 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.23 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.