Translation tool beta version. Translation quality may be not a good
| პოლიტიკა: თარგამაძე: ბოლო დროს ივანიშვილის ოცნების ტრანსფორმაცია ხდება |  | Georgian News | |
 ქრისტიან-დემოკრატების ლიდერის გიორგი თარგამაძის თქმით, ბიძინა ივანიშვილის ბანაკში უთანხმოებებს აქვს ადგილი. „ახალ ბლოკს, რომელიც ფორმირების პროცესში იმყოფება, დიდი ინტერესით ვადევნებ თვალს. მინდა ვთქვა, რომ ბევრი შეკითხვა დამიგროვდა, რომლებზესაც პასუხი არა მაქვს. როგორც პოლიტიკოსს, იმის მოლოდინი მქონდა, რომ მათი მიდგომა ბევრად უფრო პრაგმატული იქნებოდა, მოლოდინი იმისა, რომ პოლიტიკური რომანტიზმის ეპოქა დასრულდა და ადამიანები გადაწყვეტილებებს რადიონალური ინტერესებიდან გამომდინარე იღებენ, მაგრამ მათი მოქმედებები ჩემში ეჭვებს ჰბადებს“, - განაცხადა თარგამაძემ.მისი თქმით, მას ეჭვები გაუჩნდა იმ პოზიციიდან გამომდინარე, რომელსაც ივანიშვილის მომავალი პარტნიორები, კერძდ კი რესპუბლიკური პარტია და ალასანიას გუნდი პარლამენტის დეპუტატთა რაოდენობის გაზრდის მიუღებლობასთან დაკავშირებით ემხრობიან. თარგამაძემ განაცხადა, რომ ამ საკითხის თაობაზე საუბარი „რვიანის“ ფორმატშიც წარმოებდა და კონკრეტული გადაწყვეტილებებიც კი იქნა მიღებული. „ის დამოკიდებულება, რომელიც ივანიშვილის მოკავშირეებმა დეპუტატთა რაოდენობის გაზდის საკითხში აირჩიეს, ჩემში ბევრს ეჭვს ჰბადებს, და არა მხოლოდ. მე ვხედავ, რომ ივანიშვილის ოცნება ტრანსფორმაციას გადის რესპუბლიკური პარტიისა და ალასანიას პარტიის ოცნებაში იმის შესახებ, რომ როგორმე მოხვდეს პარლამენტში. „რვიანის“ ფორმატში არა მხოლოდ საუბარი იყო დეპუტატების რაოდენობის გაზრდის შესახებ, არამედ კონკრეტულ გადაწყვეტილებებსაც ჰქონდა ადგილი. 2011 წლის მაისში „ეროვნული მოძრაობისთვის“ წარმოდგენილი წინადადებათა პაკეტი სწორედ „გერმანული მოდელის“ შექმნას გულისხმობდა, რაც, თავის მხრივ, დეპუტატთა რაოდენობის გაზრდას ნიშნავდა. როგორც ჩანს, მათ არ შეუძლიათ იმის გაანალიზება, თუ როგორი შედეგის მოცემა შეუძლია ამ გადაწყვეტილებას, ანდაც ივანიშვილის ბანაკში სერიოზული დაპირისპირებაა“, - აღნიშნა თარგამაძემ. საპარლამენტო უმცირესობის ლიდერმა ასევე კომენტარი გაუკეთა გია თორთლაძის განცხადებას იმაზე, რომ ივანიშვილი კრემლის ინტერესებს ატარებს. თარგამაძის თქმით, არაფრის გამორიცხვა შეიძლება. Source - Грузия Online
Share to:https://www.aspurcela.ge/asp-News_-_file_-_article_-_sid_-_4190.html
| |||
| Posted by Drakula | 22 Dec 2011, 19:42 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.