Translation tool beta version. Translation quality may be not a good
| ეკონომიკა: ვაჟა დიასამიძე: ბათუმის სასტუმროთა ძირითადი ნაწილი ახალი წლისთვის დაჯავშნილია |  | Georgian News | |
 წინა წელთან შედარებით, ზამთრის სეზონისთვის ბათუმში ტურისტთა რიცხვი 40 პროცენტით გაიზარდა. Commersant.ge-თან საუბრისას აჭარის ტურიზმის დეპარტამენტის ხელმძღვანელმა ვაჟა დიასამიძემ განაცხადა, რომ წელს ახალი წლისთვის ისინი ტურისტთა კიდევ უფრო დიდი რიცხვის ჩამოსვლას ელიან. „განსაკუთრებით ბევრი იქნება ქართველი და ვიზიტიორები მეზობელი ქვეყნებიდან. ჩვენთან ჩამოვლენ თბილისიდან, სტამბულიდან, სომხეთიდან, აზერბაიჯანიდან და რუსეთიდან. სტუმრებს ევროპიდანაც ველოდებით“, - აღნიშნა მან.დიასამიძის თქმით, ბათუმის სასტუმროთა ძირითადი ნაწილი უკვე დაჯავშნილია. დეპარტამენტი კი ფასების შემცირების პოლიტიკაზე მუშაობს. მან აღნიშნა, რომ ზაფხულთან შედარებით ფასები სასტუმროებსა და რესტორნებში უკვე შემცირდა. „ნორმალურ რესტორანში ვახშამი 7-დან 20-მდე ლარი ღირს. მაგრამ ჩვენ პარალელურად ფასთა კიდევ უფრო დიდ შემცირებაზე ვმუშაობთ, რათა კლიენტები დარწმუნდნენ, რომ ბათუმში შესაძლებელი იყოს უქმე დღეების გატარება ბევრად უფრო იაფად, ვიდრე, ვთქვათ, თბილისში“, - აცხადებს ტურიზმის დეპარტამენტის უფროსი. მისი თქმით, ბოლო პერიოდში ბათუმში უქმე დღეებსა და დღესასწაულებზე სულ უფრო მეტი სტუმარი ჩამოდის. ტურისტთა რიცხვი იზრდება როგორც თბილისიდან და საქართველოს სხვა რეგიონებიდან, ისე თურქეთიდანაც. „კანში ამერიკული აკადემიის კონკურსში ბათუმის გამარჯვების შემდეგ კი უახლოეს პერიოდში ტურისტთა რიცხვი კიდევ უფრო გაიზრდება. ეს გამარჯვება ბათუმისთვის დიდ რეკლამას წარმოადგენს“, - განაცხადა დიასამიძემ. Source - bizzone
Share to:https://www.aspurcela.ge/asp-News_-_file_-_article_-_sid_-_4131.html
| |||
| Posted by Drakula | 11 Dec 2011, 20:06 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.26 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.