Translation tool beta version. Translation quality may be not a good
| პოლიტიკა: ედუარდ კოკოითი წავიდა |  | Georgian News | |
 ედუარდ კოკოითმა სამხრეთ ოსეთის მეთაურის თანამდებობიდან გადადგომა გადაწყვიტა, ხოლო ალა ჯიოევამ განმეორებით არჩევნებში მონაწილეობის უფლება მიიღო, იუწყება “GHN“. ასეთი გადაწყვეტილება მიღებულ იქნა ცხინვალში სამხრეთ ოსეთის ე. წ. პრეზიდენტობის ექს-კანდიდატს ალა ჯიოევასა და რუსეთის პრეზიდენტის ადმინისტრაციის წარმომადგენელს სერგეი ვინოკუროვს შორის წარმოებული მოლაპარაკებების შემდეგ. როგორც საინფორმაციო სააგენტო „რესი“ გადმოსცემს, მოლაპარაკებების შედეგი გახდა ედუარდ კოკოთისა და ალა ჯიოევას მიერ ხელმოწერილი შეთანხმება, რომლის შესაბამისადაც სეპარატისტთა ლიდერი 10 დეკემბერს უნდა გადამდგარიყო, ხოლო ჯიოევას თავისი მომხრეები ცხინვალის ცენტრალური მოედნიდან გაეყვანა. ამას გარდა, მას 2012 წლის 25 მარტს ე. წ. საპრეზიდენტო არჩევნებში მონაწილეობის უფლება ენიჭება.შეთანხმებით გათვალისწინებული იყო, რომ დღეს, 10 დეკემბერს, ცხინვალის ე. წ. პარლამენტის საგანგებო სხდომაზე განხილული უნდა ყოფილიყო თხოვნა ე. წ. გენერალური პროკურორის თაიმურაზ ხუგაევის, მისი მოადგილის ელდარ კოკოევისა და ე. წ. უმაღლესი სასამართლოს თავმჯდომარის აცამაზ ბიჩენოვის გადადგომის შესახებ. განმეორებითი არჩევნების ჩატარებამდე ცხინვალის რეგიონის მეთაურის მოვალეობების დროებითი შემსრულებელი ვადიმ ბროვცევი იქნება. ასევე ოპოზიციის ერთ-ერთ წარმომადგენელს რესპუბლიკის მთავრობაში ე. წ. ვიცე-პრემიერის თანამდებობას შესთავაზებენ. მისი კანდიდატურა მოგვიანებით დადგინდება. აღნიშნული შეთანხმებების შესრულების გარანტად, რუსეთის ფედერაციის პრეზიდენტის ადმინისტრაციის სახით, რუსული მხარე გამოდის. Source - GHN
Share to:https://www.aspurcela.ge/asp-News_-_file_-_article_-_sid_-_4123.html
| |||
| Posted by Drakula | 10 Dec 2011, 18:56 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.14 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.