Translation tool beta version. Translation quality may be not a good
| პოლიტიკა: მსოფლიოს ერთ-ერთმა ქვეყანამ iPhone აკრძალა |  | World News | |
 სირიის მთავრობამ ქვეყანაში სმარტფონების - iPhone-ბის გამოყენება აკრძალა. ამის შესახებ იტყობინება ებრაული გაზეთი „გაარეცი“ ლიბანის ახალი ამბების საიტ Al Nashara-ზე მინიშნებით. Al Nashara-ის ჟურნალისტები გაეცნენ დადგენილების ასლს აპარატის აკრძალვის შესახებ, რომელიც სირიის ფინანსთა სამინისტრის საბაჟო დეპარტამენტმა გამოუშვა. მასში ნათქვამია, რომ სატელეკომუნიკაციო რეგულატორმა iPhone-ში „აკრძალული თვისებები“ აღმოაჩინა. დაზუსტებული არიაა, კერძოდ რომელ თვისებებზეა საუბარი. იტყობინებიან, რომ აღმოჩენილი აპარატები ჩამორთმეული იქნება, მათი მფლობელების მიმართ კი სანქციებს გამოიყენებენ.„გაარეცი“ გადმოსცემს, რომ აკრძალვა მას მერე შემოიღეს, რაც ინტერნეტში დაიდო iPhone-ის კამერით გადაღებული ვიდეოჩანაწერი, რომელშიც სირიის მოქმედი პრეზიდენტის ბაშარ ასადის რეჟიმის წინააღმდეგ საპროტესტო აქციის ულმობელი ჩახშობა იყო ასახული. კონკრეტულად Apple-ის სმარტფონზე აკრძალვის შემოღების კიდევ ერთი მიზეზი შეიძლება იყოს ის, რომ ნოემბერში სირიელმა ოპოზიციონერებმა ახალი ამბებისა და ვიდეორგოლების გაცვლის მიზნით iPhone-ისადა iPad-ისთვის დამატება გამოუშვეს. სირიაში საპროტესტო აქციები 2011 წლის მარტში დაიწყო. თავიდან დემონსტრანტთა თავმოყრის ადგილი ქალაქი დარაა გახდა, მაგრამ მოგვიანებით მღელვარებამ ქვეყნის სხვა ნაწილებიც მოიცვა. ივნისის დასაწყისში რამდენიმე სირიული ქალაქი რამდენიმე დღით ინტერნეტის გარეშე დარჩა. გათიშვა დაუკავშირეს იმას, რომ პროტესტანტები თავიანთი მოქმედებების კოორდინაციას სოციალური ქსელის საშუალებით აწარმოებდნენ. გაეროს შეფასებებით, რვა თვის განმავლობაში სირიის პოლიციასა და სამთავრობო ჯარებთან შეიარაღებულ შეტაკებებში 4000-მდე ადამიანი დაიღუპა. Source - day.az
Share to:https://www.aspurcela.ge/asp-News_-_file_-_article_-_sid_-_4108.html
| |||
| Posted by Drakula | 07 Dec 2011, 19:34 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.23 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.