Translation tool beta version. Translation quality may be not a good
| პოლიტიკა: ადვოკატები: საქართველოს პრეზიდენტის აქტი ივანიშვილისთვის მოქალაქეობის ჩამორთმევის შესახებ ბათილია |  | Georgian News | |
 ბიძინა ივანიშვილის ადვოკატები მოითხოვენ ბათილად იქნას აღიარებული საქართველოს პრეზიდენტის 2011 წლის 11 ოქტომბრის ბრძანება ბიძინა ივანიშვილისა და მისი მეუღლისთვის საქართველოს მოქალაქეობის ჩამორთმევის შესახებ, იუწყება “GHN“. როგორც დღეს, 6 დეკემბერს, პრეს-კონფერენციაზე ივანიშვილის ერთ-ერთმა ადვოკატმა შალვა თედუმაძემ განაცხადა, პრეზიდენტს უფლება არა აქვს, ჩამოართვას პიროვნებას მოქალაქეობა, რომელიც გამონაკლისის წესით არის მინიჭებული.„ერთადერთი მოთხოვნა, რომელიც ჩვენს სარჩელშია შესული, ეს აქტის ბათილად აღიარებაა. შიდა კანონმდებლობის თანახმად, აქტის ბათილად აღიარებისათვის ორი პირობა არსებობს: პირველი - როდესაც იგი არაუფლებამოსილი ადამიანის, ამ შემთხვევაში საქართველოს პრეზიდენტის მიერ გაიცა. ადმინისტრაციულ სამართალში მოქმედებს პრინციპი, რომ ის, რაც დაუშვებელია, ის აკრძალულია. შესაბამისად, ყველა კანონისა და კონსტიტუციის თანახმად, პრეზიდენტს უფლება არა აქვს, მოქალაქეობა ჩამოართვას პიროვნებას, რომელსაც განსაკუთრებული წესით მიენიჭა საქართველოს მოქალაქეობა. მას ამის უფლება არ ჰქონდა და აქტი არაუფლებამოსილი პირის მიერ გაიცა“, - თქვა თედუმაძემ. მისი თქმით, ადმინისტრაციული კოდექსი ერთმნიშვნელოვნად ადგენს, რომ გადაწყვეტილების მიმღები პირი მიუკერძოებელი უნდა იყოს. „მაშინ, როდესაც პრეზიდენტი და მისი ადმინისტრაცია სასამართლოზე აფიქსირებს, რომ გადაწყვეტილების მიღების ერთადერთი მიზეზი იყო ის, რომ ბიძინა ივანიშვილმა 2011 წლის 7 ოქტომბერს განცხადება გააკეთა და სწორედ ამიტომ დაიწყო ადმინისტრაციული საქმის წარმოება, აღნიშნული უკვე აფიქსირებს, რომ ეს საქმის მიკერძოებული წარმოებაა, რადგან პრეზიდენტს ჰქონდა როგორც პირადი, ისე პოლიტიკური გუნდის ინტერესი და, შესაბამისად, მან აქტი უფლებამოსილებების გარეშე მიიღო, რომელიც სამართლის თვალსაზრისით უპირობოდ ბათილად არის მიჩნეული“, - თქვა მან. Source - GHN
Share to:https://www.aspurcela.ge/asp-News_-_file_-_article_-_sid_-_4083.html
| |||
| Posted by Drakula | 06 Dec 2011, 19:37 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.22 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.