Translation tool beta version. Translation quality may be not a good
| პოლიტიკა: ხუხაშვილი: „პოლიტიკური სადაზღვევო სისტემის პირობებში საავადმყოფოების გახსნა სიტუაციას დაძაბავს |  | Georgian News | |
 ექსპერტ გია ხუხაშვილის განცხადებით, ქვეყანაში, სადაც აბსურდული პოლიტიკური სადაზღვევო სისტემა არსებობს, ახალი საავადმყოფოების მშენებლობა ჯანდაცვის სისტემაში არსებული პრობლემების აღკვეთას ვერ შეძლებს. როგორც ხუხაშვილმა განაცხადა, მოსახლეობის დიდი ნაწილი იმ სავაადმყოფოებით, რომლებიც პრეზიდენტის მიერ ყოველდღიურად იხსნება, სარგებლობას ვერ შეძლებს, ვინაიდან ხალხს ამის სახსრები არა აქვს.„საერთოდ, თანამედროვე სტანდარტების მქონე საავადმყოფოები ძალიან კარგია, თუმცა ადამიანები ამ საავადმყოფოების მომსახურებებით სარგებლობას ვერ შეძლებენ, რამდენადაც ისინი ძალიან ძვირადღირებულია. მე ხელმოკლე პიროვნება არა ვარ, მაგრამ ჩემთვის საკუთარი სამედიცინო მომსახურების დაფინანსება რთულია. წარმოიდგინეთ, როგორ ვითარებაში იმყოფებიან ხელმოკლე ადამიანები?! საერთოდ, მსოფლიოში სამედიცინო მომსახურება საკმაოდ ძვირია, მაგრამ დასავლეთში ქმედითი სადაზღვევო სისტემა არსებობს, რომლითაც მოქალაქეები სარგებლობენ. ჩვენ კი საქმე აბსურდულ პოლიტიკურ დაზღვევასთან გვაქვს, რომელიც უფრო მეტად წინასაარჩევნო კამპანიისთვის გამოიყენება, ვიდრე მოსახლეობის ჯანდაცვის პრობლემის გადასაჭრელად“, - აცხადებს ექსპერტი. მისი თქმით, ქვეყანაში მძიმე სოციალური სიტუაციის ფონზე, როდესაც ადამიანებს ცხოვრებისათვის აუცილებელი ელემენტარული პირობები არა აქვთ, პრეზიდენტის განცხადება ახალი ქალაქების აშენების შესახებ აუცილებლად უნდა გახდეს ფსიქიატრების მიერ განსახილველი თემა. „როდესაც ანონსი გაუკეთდა ახალი ქალაქის აშენებას, პრეზიდენტის გვერდით იდგნენ სამეგრელოს ყოფილი და ახალი გუბერნატორები. ამ განცხადების დროს მათ თვალებში აღშფოთება და შიში ამოვიკითხე. მათ თვალებში პასუხი ეწერა, რომელ ფაზისსა და ლაზიკაზე იყო საუბარი? რასაკვირველია, რთულია მშვიდად უსმინო ქვეყანაში ახალი ქალაქების აშენების შესახებ, როდესაც ქვეყანაში არსებული ქალაქები დანგრეულია და პურის გარეშეა დარჩენილი“, - აცხადებს გია ხუხაშვილი. Source - Грузия Online
Share to:https://www.aspurcela.ge/asp-News_-_file_-_article_-_sid_-_4082.html
| |||
| Posted by Drakula | 06 Dec 2011, 19:36 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.23 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.