Translation tool beta version. Translation quality may be not a good
| ეკონომიკა: ლებანიძე: „მსოფლიო ბაზარზე ქართული ღვინის ცნობადობა ძალიან დაბალია“ |  | Business & Economics | |
 ჰონკონგში ღვინოებისა და სპირტიანი სასმელების საერთაშორისო კონკურსში კომპანია „ქინძმარაულის მარნის“ მიერ გრან-პრის მიღების შემდეგ კომპანიის პარტნიორები მას გაყიდვების გაზრდაში ეხმარებიან. ამის შესახებ commersant.ge-ს კომპანიის დირექტორმა დიმიტრი ლებანიძემ განუცხადა. მისი თქმით, ამგვარი დონის კონკურსში გამარჯვებამ კომპანიის პარტნიორები უფრო სერიოზული თანამშრომლობისკენ უბიძგა. „ეს ჩვენი კომპანიის სერიოზული რეკლამა იყო. ვეთანხმები იმ მოსაზრებას, რომ პიარ-კომპანია უფრო ეფექტურ შედეგს იძლევა, ვიდრე გამოფენებზე მონაწილეობა. როდესაც ქვეყანაში პირველად შემოდიხარ და არავინ გიცნობს, აუცილებელია ყველაფერი პიარ-კომპანიით დაიწყო. ხოლო იქ, სადაც შენი პროდუქცის უკვე იყიდება, გამოფენაში მონაწილეობა ცნობადობის ამაღლებას უწყობს ხელს“, - აღნიშნა ლებანიძემ.მისი თქმით, „ქინძმარაულის მარანი“ ახალი წლის შემდეგ „გაუფილტრავი საფერავისა“ და „ვარდისფერი საფერავის“ გამოშვებას აპირებს. ახალი პროდუქცია როგორც საქართველოში, ისე უცხოეთში გაიყიდება. ამას გარდა, პროდუქციის მიწოდების შესახებ მოლაპარაკებები კანადასთან წარმოებს. მაგრამ, ლებანიძის თქმით, ეს ხანგრძლივი პროცესია და ჯერჯერობით უცნობია, რა შედეგებით დასრულდება იგი. მან აღნიშნა, რომ მსოფლიო ბაზარზე ქართული ღვინის ცნობადობა ძალიან დაბალია. „ექსპორტის ასამაღლებლად აუცილებელია, კომპანიებთან ერთად აქტიურად ხორციელდებოდეს სპეციალური კამპანია, ვინაიდან ცალკეული ფირმებისათვის სარეკლამო კამპანიის დამოუკიდებლად ჩატარება რთულია, რაც დიდ სახსრებს უკავშირდება. „ქართული ღვინო კარგად გაიყიდება აშშ-ში, ჩინეთში, პოლონეთსა და გერმანიაში, მაგრამ ამისთვის აუცილებელია სწორი სტრატეგიის ჩამოყალიბება“, - განაცხადა ლებანიძემ. მისი თქმით, იტალიურ და ფრანგულ ბაზარზე შესვლას აზრი არა აქვს, რადგან ეს ძალიან დიდ ფულთან არის დაკავშირებული, ხოლო ადგილობრივი ღვინოსთვის კონკურენციის გაწევა ძალიან რთული იქნება. Source - bizzone
Share to:https://www.aspurcela.ge/asp-News_-_file_-_article_-_sid_-_4080.html
| |||
| Posted by Drakula | 06 Dec 2011, 19:35 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.24 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.