Translation tool beta version. Translation quality may be not a good
| ეკონომიკა: ევროპის ეკონომიკური კრიზისი ტურისტული ნაკადის ზრდაზე არ ასახულა |  | Business & Economics | |
 მიუხედავად ევროპის ქვეყნებში არსებული ეკონომიკური არასტაბილურობისა, 2011 წლის იანვარ-აგვისტოში ევროპული ქვეყნების მაცხოვრებლების მიერ შესრულებული უცხოური ტურისტული მგზავრობების რიცხვი, 2010 წლის ანალოგიურ პერიოდთან შედარებით, 4%-ით გაიზარდა. ასეთი დასკვნა შესულია კონსალტინგულ კომპანია IPK-ის გამოკვლევაში ITB Berlin-ის დაკვეთით. კონტინენტზე არსებულ სიტუაციას ტურისტების ხარჯებზე გავლენა არ მოუხდენია, რომლებიც ამ პერიოდში 2%-ით გაიზარდა. სხვა მოსაზრება აქვს „როსტურიზმის“ უფროსს ალექსანდრე რადკოვს, რომელმაც ივარაუდა, რომ რუსეთში 2011 და 2012 წლებში ევროპული ტურნაკადი ევროპაში არსებული არახელსაყრელი ეკონომიკური მდგომარეობის შედეგად არ გაიზრდება.UNTWO-ის მონაცემთა თანახმად, რომლებსაც გამოკვლევა ეყრდნობა, ევროპაში შემავალი ტურნაკადი მიმდინარე წლის იანვარ-აგვისტოში 4.5%-ჯერ გაიზარდა და დაახლოებით 671 მილიონი ადამიანი შეადგინა. ამასთან, მომავალი წლის პროგნოზი ასევე დადებითია. ასე, სექტემბრის გამოკითხვის შედეგების საფუძველზე, რომელშიც 13 ევროპული ქვეყნის მოგზაურებმა მიიღეს მონაწილეობა, გამოვლინდა, რომ მათგან 43% 2012 წელს მგზავრობებს გეგმავს, ამასთან ისეთივე სიხშირით, როგორც მიმდინარე წელს. გამოკითხვის მონაწილეთა კიდევ 27% მომავალ წელს ტურიზმის მიზნით საკუთარი გადაადგილებების გაზრდას აპირებენ. და მხოლოდ 20%-ს მიაჩნია, რომ 2012 წელს მათ ნაკლები მგზავრობების განხორციელება მოუწევთ, ვიდრე მიმდინარე წელს. IPK-ის ექსპერტთა აზრით, ევროპელ მოგზაურთა სამომხმარებლო ნდობის ინდექსი (European Travel Confidence Index) 102 პუნქტს შეადგენს, რაც მეტყველებს იმაზე, რომ 2012 წელს ევროპული ტურინდუსტრიის ზრდა 2-3% იქნება და ნიშნავს ტურნაკადის მყარ ზრდას, ასევე რეკორდული მაჩვენებლების მიღწევას, რომლებიც კრიზისამდელი 2008 წლის შედეგებს გააჭარბებს. გამოკვლევის თანახმად, მიმდინარე წელს ყველაზე თავგამოდებული მოგზაურები გახდნენ შვეიცარიის მაცხოვრებლები - აღნიშნულ პერიოდში მათი მგზავრობების რიცხვი 9%-ით გაიზარდა. მეორე ადგილზე არიან შვედები (+7%), მესამეზე - ტურისტები ბელგიიდან (+6%). მიმდინარე წელს გაიზარდა მოგზაურობების რიცხვი მოკლე მანძილებზე - 2010 წელთან შედარებით 4%-ით. მეტიც, მათ წილზე ყველა უცხოური მგზავრობის დაახლოებით 90% მოდის. Source - bizzone
Share to:https://www.aspurcela.ge/asp-News_-_file_-_article_-_sid_-_3988.html
| |||
| Posted by Drakula | 25 Nov 2011, 20:00 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.