Translation tool beta version. Translation quality may be not a good
| ეკონომიკა: ვენესუელაში ძალაში შევიდა „კანონი სამართლიანი ფასების შესახებ“ |  | World News | |
 სამშაბათს, 22 ნოემბერს, ვენესუელაში ძალაში შევიდა „კანონი სამართლიანი ფასების შესახებ“, რომელიც სავაჭრო სფეროში სპეკულაციასთან ბრძოლის წინააღმდეგ არის მიმართული. ამასთან დაკავშირებით პრეზიდენტმა უგო ჩავესმა მოუწოდა ფასებზე ზედამხედველ კონტროლიორებს, გამოიჩინონ სიფხიზლე და არ აჰყვნენ მოსყიდვას მაღაზიების მფლობელთა მხრიდან. „ფრთხილად იყავით კორუფციასთან, არ მისცეთ საკუთარი თავის მოსყიდვის საშუალება“, - გააფრთხილა მან ისინი, მიმართავდა რა ტელეფონით თათბირის მონაწილეებს, რომელიც ახალი კანონის გამოყენების წესებს მიეძღვნა.უპრეცედენტო იურიდიული ნორმა ითვალისწინებს სახელმწიფო ორგანოს შექმნას, რომელიც ამიერიდან პირველი საჭიროების საქონლის ფასებს გააკონტროლებს, ასევე სპეციალური ისპექციის ჩამოყალიბებას, რომლის ამოცანა იქნება ახალი კანონის შესრულების დაცვის მკაცრი ზედამხედველობა. იმ მოვაჭრეებს, რომლებიც შეგნებულად გაზრდიან სახელმწიფოს მიერ დაწესებულ ფასების ზედა ზღვარს, აღიარებენ „სპეკულანტებად“ და ჯარიმებს გადაახდევინებენ. განმეორებითი დარღვევების შემთხვევაში მათ დროებით ჩამოართმევენ სავაჭრო საქმიანობის ლიცენზიას, ხოლო კანონის განსაკუთრებით ურჩი დამრღვევების მაღაზიებს საერთოდაც დახურავენ. ადგილობრივი სამეწარმეო წრეები ახალი კანონის კატეგორიული წინააღმდეგნი არიან და სასამართლო წესით მის გასაჩივრებას აპირებენ. ახალი კანონის გამოყენების გზაზე პირველი ნაბიჯის სახით ვენესუელურმა ხელისუფლებებმა სამშაბათს 18 სახეობის საქონელზე ფასები გაყინეს, რომელთა შორისაა მინერალური წყალი, წვენები, შამპუნები, ტუალეტის ქაღალდი, პამპერსები და დეოდორანტები. თანდათანობით „სამართლიანი“ ფასების მქონე საქონლის სია გაიზრდება, გადმოსცემს „იტარ-ტასი“. Source - day.az
Share to:https://www.aspurcela.ge/asp-News_-_file_-_article_-_sid_-_3978.html
| |||
| Posted by Drakula | 24 Nov 2011, 19:04 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.