Translation tool beta version. Translation quality may be not a good
| პოლიტიკა: სააკაშვილი: „რუსეთის ამჟამინდელი მთავრობის დღეები დათვლილია“ |  | Georgian News | |
 საქართველოს განვითარება რუსეთისთვის ყველაზე დიდი დარტყმაა, განაცხადა სამშაბათს, 22 ნოემბერს, საქართველოს მთავრობის სხდომაზე ქუთაისში პრეზიდენტ მიხეილ სააკაშვილმა. „შეხედეთ, როგორი სტვენით შეხვდნენ პუტინს გუშინ, ეს მათი დასასრულის დასაწყისია, დარწმუნებული ვარ, რომ მათი დღეები დათვლილია. დღეს საქართველომ, როგორც არასდროს, თავისი ტემპი უნდა შეინარჩუნოს. რუსეთში ასევე გამგები ხალხია, რომელიც ჩვენი რეფორმებით აღტაცებულია. მაგრამ არა კრემლში. ჩვენ ამის შესახებ მუდმივად გვაქვს ინფორმაცია“, - აღნიშნა მან. სააკაშვილმა აღნიშნა, რომ მრავალი ქვეყანა, მათ შორის უკრაინა, აზიის ქვეყნები და მეზობლები, აღტაცებულები არიან იმით, თუ რა ხდება საქართველოში.„ეს შეუქცევადი პროცესია. რატომ გვაქვს ასეთი მხარდაჭერა ევროპაში? ჯერ კიდევ ლეხ კაჩინსკი მეუბნებოდა, რომ მის გარდა ყველა დარწმუნებული იყო, რომ საქართველო ნაწილებად დაიშლებოდა და ჩვენს მთავრობას დაიმხობდნენ. ამბობდნენ, რომ უახლოეს სამ წელიწადში საქართველო, როგორც პოლიტიკური ერთეული, რუქიდან გაქრებოდა, მაგრამ მსგავსი არაფერი მომხდარა. ამას არავინ მოელოდა, ყველა გაკვირვებული და მეტად დაინტერესებულია ჩვენს მხარდაჭერაში“, - თქვა სააკაშვილმა. „მე დიდი სიამოვნებით ვარ მზად, ჩემი სხეულის ნებისმიერი ნაწილი გავაგზავნო იმისთვის, რომ მათ (რუსეთის ფედერაციის ხელმძღვანელობამ) ჩვენი ტერიტორიების თუნდაც ნაწილი დაგვიბრუნონ, ან უფრო კარგი - ყველა ტერიტორია. და რამდენადაც მეყოფოდა ჩემი სხეულის ნაწილები, იმდენ ტერიტორიასაც დავაბრუნებდი“, - თქვა სააკაშვილმა. „რუს ლიდერებს პიროვნულ დონეზე აქვთ საქართველოს ზიზღი. მათ არა ერთხელ უთქვამთ ეს. მათთვის არც შევარდნაძე იყო სასიამოვნო, არც სააკაშვილი. ისევე, როგორც არ იქნება სასიამოვნო საქართველოს შემდგომი ხუთი პრეზიდენტი ან ხუთი მთავრობა. ეს მათ ასეთი ინსინქტი აქვთ, იმპერიალისტური სურვილებიდან გამომდინარე. და არა მხოლოდ მათ. როგორც უკვე იცით, რუსულმა ეკლესიამ საბჭოთა კავშირის აღსადგენად ჯვაროსნული ლაშქრობა გამოაცხადა. ისინი ღიად საუბრობენ, რომ საქართველოს დამოუკიდებლობის დასრულება სურთ“, - განაცხადა სააკაშვილმა. „მათ დამოუკიდებელი საქართველოს ნახვა არ სურთ. მათთვის საქართველო მისაღებია მხოლოდ მონის სახით მათთვის წინააღმდეგობის გაწევის სურვილის უქონლობით“, - აღნიშნა საქართველოს პრეზიდენტმა. Source - Грузия Online
Share to:https://www.aspurcela.ge/asp-News_-_file_-_article_-_sid_-_3976.html
| |||
| Posted by Drakula | 24 Nov 2011, 19:02 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.75 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.