Translation tool beta version. Translation quality may be not a good
| პოლიტიკა: კონდოლიზა რაისი: ვლადიმირ პუტინი არჩევნებისაგან ფარსს აწყობს |  | World News | |
 „ვლადიმირ პუტინი საამომრჩევლო პროცესს ფარსად აქცევს“, - განაცხადა ოთხშაბათს, 16 ნოემბერს, აშშ-ის ყოფილმა სახელმწიფო მდივანმა კონდოლიზა რაისმა, უწოდა რა რუსი პრემიერ-მინისტრის მონაწილეობას 2012 წლის საპრეზიდენტო არჩევნებში „უხეირო იდეა“, - იუწყება “GHN“. თავისი პოლიტიკური მემუარების პრეზენტაციაზე სააგენტო „რეიტერისთვის“ მიცემულ ინტერვიუში რაისმა ასევე გამოთქვა შიშები იმისა, რომ თუ პუტინი კრემლში დაბრუნდება, რუსეთში გამორიცხული არ იქნება მასიური მღელვარებები. მან დაამატა, რომ იმ შემთხვევაში, თუ 2012 წლის მარტში პუტინი პრეზიდენტი გახდება, დიდი ალბათობაა იმისა, რომ იგი კიდევ უფრო მოახდენს ხელისუფლების ცენტრალიზაციას თავის ხელებში, გააძლიერებს რა ზეწოლას ოპოზიციაზე, გადმოსცემს აშშ-ის ექს-სახელმწიფო მდივნის სიტყვებს სააგენტო რეიტერი.„მაგრამ ვლადიმირ პუტინსაც კი მოუწევს ზოგიერთ დაბრკოლებასა და თანამედროვე რეალობის გამოვლინებასთან შეჯახება“, - აღნიშნა რაისმა. მისი თქმით, რუსებმა, რომლებიც კარგად ორიენტირდებიან მსოფლიო მოვლენებში ინტერნეტში მოგზაურობის წყალობით, შესაძლოა ვერც მოითმინონ პოლიტიკური რეპრესიები, გადმოსცემს ბი-ბი-სი. რუსეთის პრემიერ-მინისტრის პრეს-მდივანმა დიმიტრი პესკოვმა ბი-ბი-სის შეატყობინა, რომ პუტინის პრეს-სამსახურში კონდოლიზა რაისის განცხადებებს განიხილავენ და ჯერ კომენტარს არ აკეთებენ. 24 სექტემბერს „ერთიანი რუსეთის“ ყრილობაზე პრეზიდენტმა დიმიტრი მედვედევმა პუტინს პრეზიდენტად კენჭის ყრა შემოთავაზა და განაცხადა, რომ მისი გამარჯვების შემთხვევაში მზად არის მთავრობას სათავეში ჩაუდგეს. მოსალოდნელია, რომ პრეზიდენტის კანდიდატებში პრემიერის წამოყენების შესახებ 27 ნოემბერს პარტიის ყრილობაზე გამოაცხადებენ. კონდოლიზა რაისს მიაჩნია, რომ პრეზიდენტ პუტინის დროს სხვაგვარად აზროვნებას საზოგადოებაში, ალბათ, ჩაახშობენ. მაგრამ თუ „იგი ამ გზას გაჰყვება, არის მნიშვნელოვანი რისკი იმისა, რომ დაიწყება მასიური მღელვარებები“. პასუხობდა რა შეკითხვას რუსეთში უცხოური ინვესტიციების შესახებ, რაისმა თქვა, რომ „რუსეთში შეთანხმებითი ურთიერთობები შეიძლება პოლიტიკური კლიმატის გათვალისწინებით იცვლებოდეს, რაც რამდენჯერმე მომხდარა“. თავის ავტობიოგრაფიულ წიგნში „დიდი პატივი არ არსებობს“ რაისი წერს მუშაობის შესახებ პრეზიდენტ ჯორჯ ბუში უმცროსის რესპუბლიკურ ადმინისტრაციაში და მრავალ მსოფლიო პოლიტიკოსს აღწერს. ამჟამად იგი სტენფორდის უნივერსიტეტში ასწავლის. Source - GHN
Share to:https://www.aspurcela.ge/asp-News_-_file_-_article_-_sid_-_3935.html
| |||
| Posted by Drakula | 17 Nov 2011, 19:19 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.24 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.