Translation tool beta version. Translation quality may be not a good
| ეკონომიკა: ამერიკელი მილიონერები მათთვის გადასახადების გაზრდას მოითხოვენ |  | Business & Economics | |
 რამდენიმე ათეული ამერიკელი მილიონერი მათთვის გადასახადების გაზრდის მოთხოვნით კონგრესში ჩავიდა, იტყობინება CNNMoney. მათ სურთ, რომ კანონმდებლებმა გააუქმონ საგადასახადო არდადეგები მდიდრებისთვის, რომლებიც წინა პრეზიდენტმა ჯორჯ ბუშმა უმცროსმა შემოიღო, ხოლო ზოგიერთი მათგანი საგადასახადო დაბეგვრის საერთო ზრდას მოითხოვს. ამ ჯგუფის წარმომადგენლები ვაშინგტონში ე. წ. სუპერკომიტეტს შეხვდებიან, რომელმაც საგადასახადო რეფორმა უნდა განახორციელოს. აღნიშნული სტრუქტურის ამოცანაში შედის გეგმის შემუშავება, რომელიც საშუალებას მისცემს ბიუჯეტს, უახლოეს 10 წელიწადში 1.2 ტრილიონი დოლარის ეკონომია გააკეთოს. კანონპროექტი 23 ნოემბრამდე უნდა იქნას მიღებული.როგორც კალიფორნიელმა მილიონერმა დუგ ედვარდსმა განაცხადა, „თუ თქვენ წელიწადში ერთ მილიონზე მეტ დოლარს გამოიმუშავებთ, მეტი გადასახადი უნდა გადაიხადოთ“. იმ მილიონერთა ჯგუფი, რომლებიც მდიდრებისთვის გაზრდილ საგადასახადო დაბეგვრას მოითხოვენ, ერთი წლის წინ Google-ის რამდენიმე თანამშრომელმა შექმნა. მოგვიანებით მას რამდენიმე ცნობილი პიროვნება შემოუერთდა, მათ შორის ეკონომისტი ნურიელ რუბინი, სერიალ „სოპრანოს კლანის“ ვარსკვლავი ედი ფალკო და რეჟისორი აბიგაილ დისნეი. იმაზე, რომ გადასახადების გაზრდაა აუცილებელი, მიმდინარე წელს მსოფლიოს ერთ-ერთმა უმდიდრესმა ადამიანმა, მილიარდერმა უორენ ბაფეტმა განაცხადა. იგი ამას იმით ხსნიდა, რომ ნაკლებად უზრუნველყოფილი ამერიკელები ფაქტობრივად საკუთარი შემოსავლის უფრო დიდ ნაწილს იხდიან, ვიდრე მდიდრები. ბაფეტის იდეა მსოფლიოს სხვა ქვეყნების მილიონერებმაც დაუჭირეს მხარი. კერძოდ, საფრანგეთში მსხვილმა ბიზნესმენებმა ასევე მოითხოვეს მათი დაბეგვრა უფრო მაღალი გადასახადით. აშშ-ში გადასახადების გაზრდის აუცილებლობა ბიუჯეტის კოლოსალური დეფიციტით არის გამოწვეული, რომელიც ბოლო სამ წელიწადში სტაბილურად აჭარბებდა ტრილიონ დოლარს. შედეგად მიმდინარე წლის ბოლოსთვის სახელმწიფო ვალმა 15 ტრილიონ დოლარს მიაღწია და აშშ-ის მშპ-ის 100-პროცენტიან მაჩვენებელზე უფრო მაღლა აღმოჩნდა. Source - bizzone
Share to:https://www.aspurcela.ge/asp-News_-_file_-_article_-_sid_-_3934.html
| |||
| Posted by Drakula | 17 Nov 2011, 19:18 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.