Translation tool beta version. Translation quality may be not a good
| ეს საინტერესოა: აზია ამერიკას „ულტრამდიდრების“ რიცხვის მიხედვით გაუსწრებს |  | World News | |
 მეგამდიდარი მოქალაქეების რიცხვის მიხედვით, რომელთა ქონება 30 მლნ აშშ დოლარს აღემატება, ჩრდილოეთი ამერიკა მსოფლიო რეკორდსმენი კიდევ 20 წლის განმავლობაში დარჩება. 2032 წლისთვის ლიდერი აზია გახდება, ნათქვამია სინგაპურის კონსალტინგურ კომპანია Wealth-X-ის გამოკვლევაში. როგორც სააგენტო Bloomberg იტყობინება, ამჟამად იმ მდიდარი ამერიკელების რიცხვი, რომელთა ქონება ფასდება როგორც „ულტრამაღალი“, 62 960 ათასს შეადგენს. ევროპაში მკვლევარებმა 65 325 ათასი, ხოლო აზიაში - 42 625 ათასი მდიდარი ადამიანი დაითვალეს. ანალიტიკოსთა პროგნოზის თანახმად, აზია-წყნარი ოკეანის რეგიონი ევროპას უკვე 2024 წელს, ხოლო ამერიკას - 2032 წელს გაუსწრებს.„ამჟამად ჩრდილოეთ ამერიკა ასე შორს ინდივიდუალური მეწარმეობის წყალობით იმყოფება“, - მიაჩნია Wealth-X-ის უფროსს მიკოლას რამბუსს. „აზიელ მილიონერებს რაღაც დრო სჭირდებათ, რათა თავიანთი ქონება ასეთ დონემდე მიიყვანონ, მაგრამ როდესაც ეს მოხდება, ისინი მუდმივი მსოფლიო ლიდერები გახდებიან“, - განაცხადა მან. როგორც კომპანიის ანგარიშშია ნათქვამი, მილიარდერთა რიცხვის მიხედვით ჩინეთსა და ინდოეთს მხოლოდ სამი ამერიკული შტატი - კალიფორნია, ნიუ-იორკი და ტექასი უსწრებს. აზიაში მდიდარი ადამიანების ყველაზე სწრაფი ნაზარდი ჩინეთში ხდება და, როგორც ექსპერტები ამტკიცებენ, ეს უმაღლესი განათლების მქონე ადამიანების რიცხვის ზრდის შედეგია, რომლებიც საკუთარ ბიზნესს ხსნიან. ამჟამად ქვეყანას შეუძლია 150 მილიარდერით დაიტრაბახოს. აშშ-ში კი მსოფლიოს მილიარდერთა საერთო რიცხვიდან, რომელმაც 2011 წელს 1 235 ათასს მიაღწია, 455 ცხოვრობს. მიმდინარე წლის ივლისში კომპანია Boston Consulting Group-მა მსოფლიოში 12.5 მლნ ოჯახი დაითვალა, რომელთა ქონება 1 მილიონ დოლარს აჭარბებს. ეს პლანეტის ოჯახური მეურნეობების 1%-ზე ნაკლებია, მაგრამ მათზე მსოფლიო სიმდიდრის 39% მოდის. შედარებისათვის, 2009 წელს ეს მაჩვენებელი 37%-ს უდრიდა. BCG-ის მონაცემებით, რუსეთში 100 მლნ დოლარზე მეტი ოდენობის ქონება 561 ოჯახს აქვს, ერთ სულ მოსახლეზე მდიდრების რიცხვით ქვეყანა რეიტინგის კი პირველ 15 სახელმწიფოშიც კი არ შედის. Source - day.az
Share to:https://www.aspurcela.ge/asp-News_-_file_-_article_-_sid_-_3892.html
| |||
| Posted by Drakula | 13 Nov 2011, 20:02 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.