Translation tool beta version. Translation quality may be not a good
| ეკონომიკა: იტალიის ევროზონიდან გამოსვლა სულ უფრო რეალურია - ნურიელ რუბინი |  | Business & Economics | |
 იტალია იძულებული იქნება, საბაზრო ძალების უმძლავრესი ზეწოლის ქვეშ ევროზონა დატოვოს, თუ ევროპის ცენტრალური ბანკი (ეცბ) თავის ამჟამინდელ პოლიტიკას არ შეცვლის და არ გასცემს რომის შეუზღუდავი ფინანსური მხარდაჭერის გარანტიებს. ასეთი განცხადებით გამოვიდა გუშინ, 11 ნოემბერს, ლონდონის გაზეთ „Financial Times-ის მიერ გამოაქვეყნებულ საავტორო სტატიაში ცნობილი ანალიტიკოსი ნურიელ რუბინი.„თავისი ამჟამინდელი რთული ფინანსური და ეკონომიკური პრობლემების გადაჭრელად იტალია უნდა გამოვიდეს ევროს ზონიდან და თავის ეროვნულ ვალუტას დაუბრუნდეს, - აღნიშნა მან. - თუმცა ეს ევროზონის დაშლას გამოიწვევს. რუბინის თქმით, ახლა ევროკავშირსა და ევროზონას არა აქვთ მექანიზმები და ინსტრუმენტები, რომელთაც იტალიისა და ესპანეთის ფინანსური მდგომარეობის სტაბილიზაცია შეუძლია. ამასთან, საერთაშორისო სავალუტო ფონდი (სსფ) ასევე არ ფლობს აღნიშნული ამოცანის შესასრულებლად აუცილებელ რესურსებს. შედეგად ანალიტიკოსი იტალიის ამჟამინდელი ფინანსურ-ეკონომიკური პრობლემების გადაჭრის მხოლოდ ერთ გზას - ევროზონიდან მის გამოსვლას ხედავს. „ევროზონას შეუძლია გადაიტანოს ისეთი მცირე ქვეყნების წასვლა, როგორებიცაა საბერძნეთი ან პორტუგალია. თუმცა თუ ამგვარ ნაბიჯს იტალია და ესპანეთი გადადგამენ, არსობრივად ეს ევროკავშირის სავალუტო კავშირის დაშლა გახდება“, - ხაზს უსვამს რუბინი. „სამწუხაროდ, ეს სულ უფრო რეალური სცენარი ხდება“, - აღნიშნავს იგი. ერთადერთი ზომის სახით, რომელსაც ჯერ კიდევ შეუძლია ევროზონის დაშლის თავიდან არიდება, რუბინი ეცბ-ის ბოლო ინსტანციის კრედიტორად გარდაქმნას ასახელებს. მხოლოდ მაშინ, როცა ბაზრები დაინახავენ, რომ ეცბ მზად არის, იტალიას იმდენი ფული მისცეს, რამდენიც მას დასჭირდება, სიტუაცია ნორმალიზდება. თუმცა ამგვარი საკრედიტო პოლიტიკა ევროზონის საწესდებო შეთანხმებებით აკრძალულია, გერმანია კი, ძალზედ საეჭვოა, ევროს გაუფასურებას დათანხმდეს, მიაჩნია ანალიტიკოსს. Source - bizzone
Share to:https://www.aspurcela.ge/asp-News_-_file_-_article_-_sid_-_3880.html
| |||
| Posted by Drakula | 12 Nov 2011, 19:42 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.21 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.