Translation tool beta version. Translation quality may be not a good
| პოლიტიკა: საქართველოს პრეზიდენტი: ვლადიმირ პუტინმა ღიად განაცხადა, რომ საბჭოთა კავშირის აღდგენა სურს |  | Georgian News | |
 რუსეთს არა აქვს საკმარისი რესურსი და ფართო ინტელექტუალური ფენა იმისათვის, რომ გააგრძელოს ის პოლიტიკა, რომელსაც ამჟამად საქართველოს წინააღმდეგ ახორციელებს, მიაჩნია პრეზიდენტ მიხეილ სააკაშვილს, იტყობინება „GHN“. როგორც პრეზიდენტმა პოლონურ ბიურო EurActiv-სთვის მიცემულ ინტერვიუში თქვა, რუსეთი ზეწოლას ახდენს უკრაინასა და საქართველოზე, მოლდოვაზე ზეწოლა კი ოდნავ შემცირდა.„მიუხედავად ამისა, ეს პოლიტიკა მუდმივად ვერ გაგრძელდება. მე ამის იმედი მაქვს. რუსეთს არა აქვს არც საკმარისი რესურსები, არც ინტელექტუალთა ფართო ფენები იმისათვის, რომ ეს პოლიტიკა გააგრძელოს. როგორც ჩანს, ჩვენ იმ მომენტისთვის უნდა მოვემზადოთ, როდესაც რუსი ხალხი გაათვიცნობიერებს, რომ ამ პოლიტიკის გამოყენება აღარ შეიძლება. როცა ეს მოხდება, ან როცა რუსეთის ხელმძღვანელობა შეიცვლება, ჩვენ საკუთარი ძალისხმევა უნდა გავააქტიუროთ. მაგრამ ვშიშობ, სიტუაცია გაუარესდება, ვიდრე გაუმჯობესდება. ერთი მხრივ, ჩვენ უარესი სცენარისთვის ვემზადებით, მაგრამ, მეორე მხრივ - რუსეთთან დაძაბულობის ცვლილებისა და შესუსტების იმედი მაქვს“, - თქვა საქართველოს პრეზიდენტმა. სააკაშვილის თქმით, ვლადიმირ პუტინმა ღიად განაცხადა, რომ საბჭოთა კავშირის განახლება სურს. „იგი არა მხოლოდ საუბრობს ამაზე, არამედ ამ მიმართულებით ნაბიჯებსაც დგამს. მან საქართველოს ნაწილი წაგვართვა, ასევე სამხრეთ ოსეთისა და ბელორუსიის შემოერთების შესაძლებლობის შესახებ განაცხადა. იგი აბსოლუტურად ღიად საუბრობს ამაზე. იგი ამბობს იმას, რასაც ფიქრობს“, - თქვა პრეზიდენტმა. Source - GHN
Share to:https://www.aspurcela.ge/asp-News_-_file_-_article_-_sid_-_3861.html
| |||
| Posted by Drakula | 09 Nov 2011, 19:19 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.15 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.