Translation tool beta version. Translation quality may be not a good
| პოლიტიკა: დარჩიაშვილი: ყველა ეთნიკური ქართველი პოლიტიკურად ქართველი არ არის |  | Georgian News | |
 საპარლამენტო უმრავლესობის წევრს დავით დარჩიაშვილს „მრავალი ეთნიკური ქართველი პოლიტიკურად ქართველი“ არ მიაჩნია. ამის შესახებ დარჩიაშვილმა გუშინ, 8 ნოემბერს, დიასპორებთან დაკავშირებული კანონპროექტის განხილვის დროს განაცხადა. კერძოდ, ინიცირებული კანონპროექტის განხილვის მსვლელობაში ფრაქციის „ერთიანობა სამართლიანობისთვის“ მდივანი დიმიტრი ლორთქიფანიძე დაინტერესდა, რატომ არის ასე გართულებული ეთნიკური ქართველებისათვის საქართველოს მოქალაქეობის მინიჭების პროცედურა და რატომ არ შეუძლია საქართველოს ისრაელის მაგალითის გადმოღება.დარჩიაშვილის განცხადებით, ყველა ქვეყანას თავისი ისტორია აქვს და იგი ვერც ერთ ფაქტს იხსენებს, როდესაც ისრაელის დიასპორის წარმომადგენლებს ირანში, რომლებიც ისრაელის წინააღმდეგ მიმართულ პოლიტიკურ წრეებს ემსახურებიან, ისრაელის მოქალაქეობა მიეღოთ. „არის მრავალი ქართველი, რომელთაც შეგვიძლია ეთნიკური ქართველები ვუწოდოთ, მაგრამ პოლიტიკურად მათ, პირადად მე, ქართველებს ვერ ვუწოდებ. არაფერი საერთო, არც საერთო პასპორტი მინდა მქონდეს ბატონ ებრალიძის მსგავს ადამიანებთან“, - განაცხადა დარჩიაშვილმა და დაამატა, რომ „გადამწყვეტი მნიშვნელობა არა იმდენად გვარს, რამდენადაც პოლიტიკურ პრინციპებს, შეხედულებებს, სახელმწიფოსა და სუვერენიტეტის მიმართ დამოკიდებულებას აქვს“. „შედეგად, ქართველობა მიმაჩნია პოლიტიკურ, კულტურულ ფენომენად, მაგრამ არანაირად მხოლოდ ეთნიკურად“, - განაცხადა დარჩიაშვილმა. მისივე თქმით, „საქართველოში მოქალაქეობის მიღება ყოველთვის იქნება პრობლემატური და ყოველთვის იქნება ინტერესი იმისა, თუ ვის როგორი განწყობითა და ქვეყნის ეროვნული ინტერესებისთვის რა ზიანის ხარჯზე სურს საქართველოს მოქალაქეობის მიღება“. „ეს ყოველთვის იქნება პოლიტიკური კორპუსისა და სპეციალური სამსახურის განხილვის საგანი. დღეს საქართველო ისეთ სიტუაციაში იმყოფება, რომ სპეციალური სამსახური მართლაც კარგად უნდა მუშაობდეს და ამაში საქართველო მართლა უნდა ჰგავდეს ისრალეს“, - განაცხადა დარჩიაშვილმა. Source - Грузия Online
Share to:https://www.aspurcela.ge/asp-News_-_file_-_article_-_sid_-_3860.html
| |||
| Posted by Drakula | 09 Nov 2011, 19:19 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.