Translation tool beta version. Translation quality may be not a good
| ეკონომიკა: ერთ-ერთი შვეიცარული ბანკი მდიდარი ამერიკელების შესახებ მონაცემებს გაამხელს |  | Business & Economics | |
 შვეიცარული ბანკი Credit Suisse დათანხმდა ადგილობრივი ხელისუფლებებისთვის იმ შეძლებული ამერიკელი კლიენტების შესახებ ინფორმაციის გადაცემას, რომლებიც აშშ-ში გადასახადებისაგან თავს არიდებენ. ამის შესახებ იტყობინება გაზეთი The Wall Street Journal. როგორც ბანკში განაცხადეს, მონაცემები მდიდარი ამერიკელების ანგარიშების შესახებ შვეიცარიის საგადასახადო რეგულატორებს უკვე სამშაბათს გადაუგზავნიან. მათ ამერიკელ ხელისუფლებებს რამდენიმე თვეში გადაუგზავიან. ამასთან, შვეიცარიის მეორე უმსხვილესი ბანკის ხელმძღვანელობამ ამერიკელ საგადასახადო ორგანოთა „შავ სიაში“ მოხვედრილ კლიენტთა რაოდენობის დასახელებაზე უარი თქვა.აშშ-ის რეგულატორები უკვე დიდი ხანია, რაც შვეიცარიის 11 უმსხვილესი ფინანსური კომპანიის ხელმძღვანელობასთან მოლაპარაკებებს აწარმოებენ. მათ შორის შევიდა ისეთი საბანკო გიგანტები, როგორებიცაა Credit Suisse Group და UBS. ხელისუფლებებს ბანკებზე ეჭვი აქვთ იმაში, რომ ისინი შეძლებულ ამერიკელ მოქალაქეებს შემოსავლებზე მონაცემების დამალვაში ეხმარებოდნენ, რამაც მათ საგადასახადო გადარიცხვების მნიშვნელოვნად შემცირების საშუალება მისცა. იმ შემთხვევაში, თუ ბანკების თანამონაწილეობა დამტკიცდება, მათ მრავალმილიარდიანი ჯარიმები ემუქრება. 2009 წლის შემოდგომაზე UBS, აშშ-ის საგადასახადო სამსახურის მხრიდან სარჩლების წარდგენის საფრთხის ქვეშ, დათანხმდა ინფორმაციის გამხელას 250 შეძლებული ამერიკელი მოქალაქის ანგარიშებზე. 2010 წელს ბანკმა კიდევ 4450 ამერიკელი კლიენტის ანგარიში გახსნა და კიდევ 52 ათასის მიმართ დათანხმდა იგივეს. აშშ-ის გარდა, შვეიცარიისაგან საბანკო საიდუმლოს გახსნას გერმანია, დიდი ბრიტანეთი და სხვა რიგი ქვეყნები, მათ შორის რუსეთი, მოითხოვენ. სექტემბრის ბოლოს ფინანსთა ექს-მინისტრმა ალექსეი კუდრინმა განაცხადა, რომ რუსეთი და შვეიცარია ხელს მოაწერენ ხელშეკრულებას რუსი მოქალაქეების ანგარიშებზე ინფორმაციის გადაცემის შესახებ. Source - bizzone
Share to:https://www.aspurcela.ge/asp-News_-_file_-_article_-_sid_-_3857.html
| |||
| Posted by Drakula | 09 Nov 2011, 19:17 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.