კომპანიები „გუდვილი“ და „G.Mart“ გაერთიანდნენ » Business & Economics

News › Georgian News • World News • Business & Economics • Trade Shows & Forums •
Politics • Economics • Culture • People • Environment • Science-Technologies • Sports • Show-business • Criminalistics • it's Interesting •

Translation tool beta version. Translation quality may be not a good

	ეკონომიკა: კომპანიები „გუდვილი“ და „G.Mart“ გაერთიანდნენ	Business & Economics
კომპანიები „გუდვილი“ და „G.Mart“ ბაზარზე „გუდვილის“ ბრენდის ქვეშ გააგრძელებენ ოპერირებას. როგორც კომპანიაში იტყობინებიან, ასეთი გადაწყვეტილება ორივე კომპანიის მენეჯმენტმა საერთო ინტერესებიდან გამომდინარე მიიღო. იქვე აღნიშნავენ, რომ კომპანიას იურიდიული რეკვიზიტები „G.Mart“-სგან ექნება, ხოლო სახელი საერთო კომპანიას ექნება „Goodwill“. „კომპანიების „გუდვილისა“ და „G.Mart“-ის გაერთიანება გაძლიერებას ნიშნავს. «G.Mart“-ის შექმნის დღიდან ჩვენ ვაცხადებდით, რომ პარტნიორები ვართ და ჩვენ შორის დიდი კონკურენცია არ იქნება. კომპანია „G.Mart“-ის შექმნიდან წელიწადნახევარი გავიდა და ამ დროის განმავლობაში რაიონთა მაცხოვრებლების შესყიდვების კულტურა აბსოლუტურად შეიცვალა. აქამდე არსებული მოუწესრიგებელი ბაზრობები „G.Mart“-ის წინადადებების მიხედვით შეიცვალა. ამასთან ერთად, შეიქმნა პრეცენდენტი, რომლის მიხედვითაც დაბალი შემოსავლის მქონე ოჯახებმა შესყიდვების კომფორტულად განხორციელება შეძლეს. „G.Mart“-ს მენეჯერთა ძლიერი გუნდი ჰყავს. ისინი ბიზნესის განვითარების პერსპექტივას სწორად ხედავენ. ამ გაერთიანებით ჩვენ მომავალ კონკურენციას ვემზადებით, რომელიც საცალო ბაზარზე შეიძლება წარმოიშვას. ეს საერთო მიზანია, რომელიც ყველა რესურსის ოპტიმიზაციას ემსახურება. გაძლიერდა ადამიანური, საწარმოო, ტექნოლოგიური რესრუსები. დარწმუნებული ვარ, ორივე მხარემ სწორი გადაწყვეტილება მიიღო და გაერთიანების შედეგად მოგებას, პირველ რიგში, მომხმარებელი ნახავს“, - განაცხადა კომპანია „Goodwill“-ის გენერალურმა დირექტორმა მიხეილ ჭარკვიანმა და აღნიშნა, რომ „მომავალში საფასო პოლიტიკა უფრო ლიბერალური გახდება“. „გაერთიანდება დაგროვების სისტემაც და მომხმარებელი ერთი საერთო ბარათით ისარგებლებს. ცხადია, უკვე დაგროვებული ქულები მათ შეუნარჩუნდებათ“, - აღნიშნა ჭარკვიანმა. მისივე თქმით, დეკემბერში კომპანია მომხმარებელს კიდევ ერთ ჰიპერმარკეტს შესთავაზებს, რომელიც დედაქალაქში ქავთარაძის ქუჩაზე განთავსდება. პარალელურად, კომპანია „გუდვილი“ ბაზარზე ახალ ბრენდს ავითარებს, რომლის შესახებაც დეტალური ინფორმაცია წლის ბოლოსთვის გახდება ცნობილი. Source - bizzone Share to: facebook tweeter buzz stumbleupon myspace https://www.aspurcela.ge/asp-News_-_file_-_article_-_sid_-_3848.html
Posted by Drakula \| 08 Nov 2011, 19:09 \| News »

"ეკონომიკა: კომპანიები „გუდვილი“ და „G.Mart“ გაერთიანდნენ" | Login/Create an Account | 0 comments
The comments are owned by the poster. We aren't responsible for their content.

No Comments Allowed for Anonymous, please register