Translation tool beta version. Translation quality may be not a good
| ეს საინტერესოა: მდიდარი ქვეყნების მაცხოვრებლები პესიმისტები აღმოჩნდნენ |  | World News | |
 იმ ქვეყნების მაცხოვრებლები, რომლებშიც დაბალი შემოსავლების მქონე მოსახლეობა ცხოვრობს, უფრო ოპტიმისტურები არიან, ვიდრე მდიდარი სახელმწიფოების მოქალაქეები. ამას კვლევით ცენტრ Globescan-ის მიერ ჩატარებული გამოკითხვის შედეგები მოწმობს. გამოკვლევის მსვლელობაში 25 ქვეყანაში მცხოვრები 25 ათასზე მეტი ადამიანი გამოკითხეს.ყველაზე პესიმისტურები საფრანგეთის, იაპონიისა და დიდი ბრიტანეთის მოქალაქეები აღმოჩნდნენ. ამ ქვეყნების მაცხოვრებელთა 10 პროცენტზე ნაკლები „უკეთესი დროის“ დადგომის მოლოდინშია. მოქალაქეთა ნახევარზე მეტს მიაჩნია, რომ სიტუაცია მხოლოდ გაუარესდება. აშშ-ში მოსახლეობის 16 პროცენტი ოპტიმიზმს ინარჩუნებს. მდიდარ ქვეყნებს შორის გამონაკლისი მხოლოდ გერმანია გახდა, სადაც მოსახლეობის 36 პროცენტი დარწმუნებულია, რომ მალე ყველაფერი უკეთესობისკენ შეიცვლება. გერმანელთა უმრავლესობა კი მიიჩნევს, რომ „რაღაც იქნება უკეთესი, რაღაც კი - უარესი“. ცხოვრების უფრო დაბალი დონის ქვეყნებში კი მოსახლეობა, პირიქით, დადებით ცვლილებებს ელოდება. ასე, ჩინეთში მოსახლეობის 51 პროცენტი ოპტიმიზმს ინარჩუნებს. გამოკვლევაში მონაწილე ერთ-ერთ ყველაზე ღარიბ ქვეყანაში - ნიგერიაში - მოქალაქეთა 70-ზე მეტი პროცენტი „უკეთესი დროის დადგომას“ ელოდება. განვითარებად ქვეყნებს შორის გამონაკლისი პაკისტანია, სადაც ოპტიმისტთა რიცხვი პესიმისტთა რაოდენობას უთმობს. გამოკვლევა 2011 წლის ივლისიდან სექტემბრის ჩათვლით ტარდებოდა. როგორც BBC აღნიშნავს, გამოკითხვა თვალსაჩინოდ აჩვენებს მსოფლიო ეკონომიკის ტენდენციებს. იმ დროს, როცა განვითარებადი ქვეყნები ეკონომიკური ზრდის მაღალ ტემპებს ინარჩუნებს, მდიდარ სახელმწიფოებში რეცესიაა გაბატონებული. ასე, 2011 წელს აშშ-ის ეკონომიკის პროგნოზირებადი ზრდა (ეკონომიკური თანამშრომლობისა და განვითარების ორგანიზაციის თანახმად) გახლავთ 1.7 პროცენტი, ევროზონისა - 1.6 პროცენტი. მაშინ, როცა ჩინეთის მშპ-ის ზრდის პროგნოზი არანაკლებ 9 პროცენტია. Source - day.az
Share to:https://www.aspurcela.ge/asp-News_-_file_-_article_-_sid_-_3815.html
| |||
| Posted by Drakula | 03 Nov 2011, 20:31 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.