Translation tool beta version. Translation quality may be not a good
| ეკონომიკა: საქართველოს საბანკო სექტორის წმინდა მოგება იანვარ-სექტემბერში 2.3-ჯერ გაიზარდა |  | Business & Economics | |
 2011 წლის იანვარ-სექტემბერში საქართველოს საბანკო სექტორმა 215 მლნ ლარის (ეროვნული ბანკის კურსის მიხედვით 130.3 მლნ დოლარის) ოდენობის წმინდა მოგება მიიღო. შარშან კი ეს მაჩვენებელი 95.3 მლნ ლარს (1 დოლარი - 1.65 ლარი) შეადგენდა, იტყობინება ეროვნული ბანკი. 2011 წლის სექტემბრის შედეგებით წმინდა მოგებამ 33 მლნ ლარი შეადგინა (23.6 მლნ ლარი 2010 წლის სექტემბერში). 2011 წლის 1 ოქტომბრისთვის კომერციული ბანკების ერთობლივმა აქტივებმა 11 მლრდ 975.7 მლნ ლარი შეადგინა, რაც 2010 წლის 1 ოქტომბრისთვის არსებულ მაჩვენებელთან შედარებით 206.5 მლნ ლარით მეტია.საკუთარმა სახსრებმა 1 მლრდ 926.7 მლნ ლარს მიაღწია (2010 წლის 1 ოქტომბრისთვის - 1 მლრდ 696.5 მლნ ლარი). ამასთან, კომერციული ბანკების საწესდებო კაპიტალში უცხოური კაპიტალის მონაწილეობამ 81.7% შეადგინა (80.5% ერთი წლის წინ). 2011 წლის 1 ოქტომბრისთვის საბანკო სექტორის ერთობლივმა დეპოზიტებმა 5.3 მლრდ ლარს გადააჭარბა (4.6 მლრდ ლარი წინა წლის 1 ოქტომბრისთვის). 2011 წლის 1 ოქტომბრისთვის დეპოზიტებზე საშუალო შეწონილმა საპროცენტო განაკვეთმა შეადგინა 8.9%, ეროვნულ ვალუტაში - 11.6%, უცხოურში - 8.5%. 2010 წლის 1 ოქტომბრისთვის იგივე მაჩვენებლები 8%-ს, 10%-სა და 7%-ს შეადგენდა, შესაბამისად. უცხოურ ვალუტაში დეპოზიტების საერთო მოცულობაში აშშ დოლარებში ნომინირებული დეპოზიტების წილი შარშანდელ წელთან შედარებით 69.4%-დან 74.2%-მდე გაიზარდა, ევროში - 18.2%-დან 19.9%-მდე. ეროვნულ ეკონომიკაში საქართველოს კომერციული ბანკების საკრედიტო დაბანდებებმა 2011 წლის 1 ოქტომბრისთვის 7.4 მლრდ ლარს გადააჭარბა, მაშინ, როცა ერთი წლით ადრე ეს მაჩვენებელი 5.8 მლრდ-ს უდრიდა. ეროვნულ ვალუტაში კრედიტებმა 2.2 მლრდ, ხოლო უცხოურ ვალუტაში - 5.2 მლრდ ლარს გადააჭარბა. რეზიდენტი იურიდიული პირებისთვის გაცემულმა კრედიტებმა ეროვნულ ვალუტაში 791.8 მლნ ლარი, უცხოურ ვალუტაში - 3.4 მლრდ ლარი შეადგინა. რეზიდენტი ფიზიკური პირების დაკრედიტებამ 3 მლრდ ლარს მიაღწია (2010 წლის 1 ოქტომბრისთვის 2.2 მლრდ ლარზე მეტი). 2011 წლის სექტემბერში კრედიტებზე საშუალო საპროცენტო განაკვეთი 18.6%-ს შეადგენდა, კრედიტებზე ეროვნულ ვალუტაში - 22%-ს, უცხოურში - 15.0%-ს. 2010 წლის სექტემბერში ეს მაჩვენებლები, შესაბამისად, 18.9%-ს, 22.6%-ს, 16.7%-ს შეადგენდა. Source - bizzone
Share to:https://www.aspurcela.ge/asp-News_-_file_-_article_-_sid_-_3807.html
| |||
| Posted by Drakula | 03 Nov 2011, 20:24 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.