Translation tool beta version. Translation quality may be not a good
| პოლიტიკა: სააკაშვილი იმედოვნებს, რომ მსო-სთან დაკავშირებული მოლაპარაკებები ლოგიკურ დასასრულამდე მივა |  | Georgian News | |
 საქართველო რუსეთთან მსო-ში შესვლის პირობების თაობაზე მოლაპარაკებებს საკუთარი ეროვნული ინტერესების გათვალისწინებითა და საერთაშორისო სამართლის ყველა პრინციპის დაცვით წარმოებდა, განაცხადა ოთხშაბათს, 2 ნოემბერს, საქართველოს პრეზიდენტმა მიხეილ სააკაშვილმა საპრეზიდენტო სასახლეში ქართულ სამუშაო ჯგუფთან შეხვედრაზე, რომელიც 9-10 ნოემბერს შვეიცარიაში რუსულ დელეგაციასთან მოლაპარაკებათა ბოლო რაუნდს ჩაატარებს. სააკაშვილმა ხაზი გაუსვა, რომ 1992 წლიდან საქართველო იმ ტვირთების მონიტორინგისა და კონტროლის უზრუნველყოფას ცდილობს, რომლებიც საქართველოში ჩამოდის და საქართველოს შიგნით გადაადგილდება, საქართველოს მთელი ტერიტორიის, მათ შორის აფხაზეთისა და ცხინვალის რეგიონის გათვალისწინებით.„ჩვენ ყოველთვის გვსურდა ამ პროცესის კონტროლირება საკუთარი ძალებით, ან საერთაშორისო მონიტორინგის ხელშეწყობით, და სწორედ ამ საკითხს არეგულირებს მსო. ჩვენ ამას რუსეთს თავდაპირველად ვთავაზობდით, მაგრამ ღია აგრესიის შემდეგ ამაზე ლაპარაკსაც კი არ ჰქონდა აზრი, მაგრამ მსო-ის მიხედვით მოლაპარაკებებმა და ყველა მხარის ძალისხმევებმა ეს შესაძლებელი გახადა“, - აღნიშნა მან. საქართველოს პრეზიდენტმა იმედი გამოთქვა, რომ უახლოეს დღეებში ეს საკითხი „ლოგიკურ დასასრულამდე“ მივა. „დრო შეზღუდულია, რადგან რამდენიმე დღეში საბოლოო გადაწყვეტილება უნდა იქნას მიღებული. საქართველომ, შვეიცარიამ და ევროკავშირმა შეთანხმების კომპრომისული ვარიანტი შეიმუშავეს და ახლა ყველაფერი რუსეთზეა დამოკიდებული. მას არსებული დოკუმენტის მიხედვით გადაწყვეტილების მიღება მოუწევს“, - ხაზი გაუსვა მან. მსო-სთან დაკავშირებული სამუშაო ჯგუფის წევრებთან გამართულ შეხვედრას საქართველოს ეროვნული უსაფრთხოების საბჭოს მდივანი გიორგი ბოკერიაც ესწრებოდა. შვეიცარიის მიერ შემუშავებულ შეთანხმების საბოლოო ვარიანტზე რუსეთმა პასუხი 9-10 ნოემბრის შეხვედრაზე უნდა მისცეს. დადებითი პასუხის შემთხვევაში, მსო-ს 153 წევრი ქვეყნის მინისტერიალზე, რომელიც 15 დეკემბერს გაიმართება, მიღებულ იქნება გადაწყვეტილება ამ ორგანიზაციაში რუსეთის წევრობის შესახებ. Source - bizzone
Share to:https://www.aspurcela.ge/asp-News_-_file_-_article_-_sid_-_3805.html
| |||
| Posted by Drakula | 03 Nov 2011, 20:23 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.