Translation tool beta version. Translation quality may be not a good
| საზოგადოება: დასახელდა მსოფლიოში საუკეთესო დამსაქმებელი კომპანიები |  | World News | |
 Microsoft-მა პირველი სტრიქონი დაიკავა 25 საუკეთესო გლობალური დამსაქმებელი კომპანიების სიაში, რომელიც ინსტიტუტ Great Place to Work-მა შეადგინა. რეიტინგი ჟურნალ Fortune-ში გამოქვეყნდა. შემდგენლებმა აღნიშნეს, რომ Microsof tარსებით მხარდაჭერას უჩენს თავის მომუშავეებს, რომლებმაც ახლახან გაიჩინეს ბავშვები. პროგრამული უზრუნველყოფის მწარმოებელი მომუშავეებს ასევე წელიწადში 40 ანაზღაურებულ საათს სთავაზობს, რომელთა დახარჯვაც მათ მოხალისეობაზე - მაგალითად, ლტოლვილებისათვის თავშესაფრის აშენებაზე შეუძლიათ.მეორე ადგილი IT-გადაწყვეტილებებისა და ბიზნეს-ანალიტიკისათვის განკუთვნილი მომსახურებების შემმუშავებელმა SAS-მა დაიკავა, რომელიც უფასოდ ავრცელებს საგანმანათებლო პროგრამა Curriculum Pathways-ს. ლიდერთა სამეულს ასრულებს პროგრამული უზრუნველყოფის მწარმოებელი NetApp, რომლის ხელმძღვანელი ტომ მენდოზა ცდილობს პირადად გადაუხადოს მადლობა თანამშრომლებს მუშაობისათვის კომპანიის სასარგებლოდ. მეოთხე ადგილი ეკუთვნის საძიებო სისტემა Google-ს, რომლის ინჟინრებს სამუშაო დროის მეხუთედი ნაწილის გატარება ახალ გადაწყვეტებზე ფიქრში და, ამასთან, შედეგებზე ანგარიშის ჩაბარების გარეშე შეუძლიათ. მეხუთე ადგილზეა ლოგისტიკური კომპანია FedEx, რომელიც კურიერებს ზრდილობიანობისა და ღიმილიანობისთვის აჯილდოვებს (განისაზღვრება კლიენტთა ონლაინ-გამოკითხვების საშუალებით). ათეულში, რომელშიც მხოლოდ ამერიკული კომპანიები შევიდა, ასევე აღმოჩნდა ქსელური აღჭურვილობის შემმუშავებელი Cisco, სასტუმროთა ქსელი Marriott, McDonald's, პირადი ჰიგიენის საქონლის მწარმოებელი Kimberly-Clark და საყოფაცხოვრებო ქიმიის მწარმოებელი SC Johnson. არაამერიკული კომპანიებიდან რეიტინგში მხოლოდ ალკოჰოლის ბრიტანული მწარმოებელი Diageo(მე-11 ადგილი), ესპანური სატელეკომუნიკაციო კომპანიები Telefonica (მე-17 ადგილი) და Atento (24-ე ადგილი) და წამლების დანიური მწარმოებელი Novo Nordisk (22-ე ადგილი) მოხვდნენ. Great Place to Work რეიტინგისთვის ირჩევდა კომპანიებს, რომლებიც, სულ ცოტა, ხუთჯერ მაინც ხვდებოდა ამ ინსტიტუტის მიერ შედგენილ საუკეთესო დამსაქმებელთა სიებში. ამას გარდა, ორგანიზაციებს არა ნაკლებ ხუთი ათასი ადამიანისაგან შემდგარი თანამშრომელთა შტატი უნდა ჰქონდეთ. ამასთან, თანამშრომელთა 40 პროცენტი იმ ქვეყნის ფარგლებს გარეთ უნდა მუშაობდეს, რომელშიც ფირმაა დარეგისტრირებული. რეიტინგის შედგენისას ისეთ კრიტერიუმებს ითვალისწინებდნენ, როგორებიცაა ხელფასის, დანამატის სიდიდე, სხვადასხვა სოციალური შეღავათები, შრომის პირობები. ასევე საკმაოდ დიდი როლი კომპანიების თანამშრომელთა გამოკითხვებმა ითამაშა. Great Place to Work ჟურნალ Fortune-თან ერთად ყოველწლიურად ასევე ასი საუკეთესო დამსაქმებლის რეიტინგს აქვეყნებს, რომელშიც მხოლოდ ამერიკული კორპორაციები შედის. 2011 წელს ამ სიაში პირველი ადგილი SAS-მა დაიკავა, Microsoft-ს კი მხოლოდ 72-ე სტრიქონი ერგო. Source - day.az
Share to:https://www.aspurcela.ge/asp-News_-_file_-_article_-_sid_-_3801.html
| |||
| Posted by Drakula | 02 Nov 2011, 19:14 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 1  |
|
 |
|
 |
[ Page Generation: 0.16 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.