Translation tool beta version. Translation quality may be not a good
| ეკონომიკა: საქართველოსა და რუსეთს შორის საზღვარზე საქონელბრუნვის მონიტორინგი შვეიცარიის ეგიდით განხორციელდება |  | Business & Economics | |
 საქართველოსა და რუსეთს შორის სახელმწიფო საზღვარზე ტვირთების გადაადგილების მონიტორინგი შვეიცარიის ეგიდით განხორციელდება. ამის შესახებ გუშინ, 1 ოქტომბერს, ჟურნალისტებს საქართველოს საგარეო საქმეთა მინისტრის მოადგილემ სერგი კაპანაძემ განუცხადა, რომელიც რუსეთის ფედერაციის მსოფლიო სავაჭრო ორგანიზაციაში შესვლის საკითხის თაობაზე მოლაპარაკებებზე ქართული დელეგაციის ხელმძღვანელი გახლავთ. მან განაცხადა, რომ აღნიშნული საკითხი 31 ნოემბერს ბათუმში საქართველოსა და შვეიცარიის პრეზიდენტების - მიხეილ სააკაშვილისა და მიშლინ კალმი-რეის გამართული შეხვედრის მსვლელობაში დაზუსტდა.კაპანაძემ აღნიშნა, რომ „ეს შეხვედრა ორ საათზე მეტხანს გაგრძელდა და მასზე რამდენიმე მნიშვნელოვანი დეტალი დაზუსტდა“. კერძოდ, მისი თქმით, „გადაწყდა საკითხი იმაზე, თუ ვინ იქნება მესამე ნეიტრალური მხარე, რომლის ეგიდის ქვეშაც საერთაშორისო დამკვირვებლები იმოქმედებენ“. „მიღწეულ იქნა შეთანხმებულობა, რომ დამკვირვებლები შვეიცარიის ეგიდის ქვეშ იმოქმედებენ“, - განაცხადა კაპანაძემ. მან თქვა, რომ „საქათველოსა და რუსეთს შორის ტვირთებით ვაჭრობისა და მათი გადაადგილების მონიტორინგი შვეიცარიის ეგიდის ქვეშ განხორციელდება“. „ეს ოფიციალური მოსკოვის ერთ-ერთი წინადადებებაა“, - აღნიშნა მინისტრის მოადგილემ. მან ასევე განაცხადა, რომ „შვეიცარიის მიერ შემოთავაზებული დოკუმენტი უცვლელი რჩება“. „დოკუმენტის მთავარი არსი იმაშია, რომ საერთაშორისო დამკვირვებლები ვაჭრობისა და იმ ტვირთების მონიტორინგს განახორციელებენ, რომლებიც შედის სავაჭრო დერეფნებში საქართველოსა და რუსეთს შორის, კონკრეტულად კი, ქართულ-რუსული სახელმწიფო საზღვრის ცხინვალისა და აფხაზეთის მონაკვეთებსა და „ზემო ლარსზე“ გადის“, - აღნიშნა მინისტრის მოადგილემ. კაპანაძემ თქვა, რომ დოკუმენტის ყველა მნიშვნელოვანი პუნქტის მიხედვით „საქართველოსა და შვეიცარიის პოზიცია ერთმანეთს ემთხვევა“. „მოსალოდნელია, რომ დღეს დღის განმავლობაში რუსული მხარე აღნიშნული დოკუმენტის მიხედვით თავისი საბოლოო პოზიციის შესახებ შეგვატყობინებს“, - განაცხადა მან. Source - bizzone
Share to:https://www.aspurcela.ge/asp-News_-_file_-_article_-_sid_-_3793.html
| |||
| Posted by Drakula | 02 Nov 2011, 19:09 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.